Дактыласкапія
![](http://upload.wikimedia.org/wikipedia/commons/thumb/b/bf/Fingerprint_picture.svg/220px-Fingerprint_picture.svg.png)
Дактыласкапія (ад грэч. δάκτυλος — палец і σκοπέω — гляджу, назіраю)— раздзел крыміналістыкі, які вывучае будову скурных узораў рук у мэтах крыміналістычнай ідэнтыфікацыі асобы, крымінальнай рэгістрацыі і вышуку злачынцаў. На далоневай паверхні фаланг пальцаў рук прысутнічаюць рэльефныя папілярныя лініі, будова якіх абумоўлена радамі грабеньчыкавай выступаў скуры, падзеленых баразёнкамі. Гэтыя лініі ўтвараюць складаныя скурныя ўзоры (дугавыя, пецелькавыя і вітковыя), якія маюць наступныя ўласцівасці: індывідуальнасць (разнастайная сукупнасць папілярных ліній, якія ўтвараюць малюнак ўзору паводле іх канфігурацыі, месцазнаходжанні, ўзаемаразмяшчэння, і непаўторная ў іншым ўзоры); адносная ўстойлівасць (нязменнасць знешняй будовы ўзору, які ўзнікае яшчэ ў перыяд перанатальнага развіцця чалавека і захоўваецца на працягу ўсяго жыцця і пасля смерці да раскладання трупа); аднаўляльнасць (пры павярхоўным парушэнні скурнага покрыва папілярныя лініі аднаўляюцца ў ранейшым выглядзе). Усё гэта дазваляе ажыццяўляць: крыміналістычную ідэнтыфікацыю асобы па адбітках пальцаў рук, выяўленых на месцы злачынства; усталяванне злачынца, раней зарэгістраванага як судзімага, з дапамогай дактыласкапічнай рэгістрацыі; ідэнтыфікацыю неапазнанага трупа; вышук асоб, якія прапалі без вестак; усталяванне факту здзяйснення некалькіх злачынстваў адной асобай або аднаго злачынства некалькімі асобамі.
Спасылкі
[правіць | правіць зыходнік]На Вікісховішчы ёсць медыяфайлы па тэме Дактыласкапія