Гі дэ Мапасан

Гі дэ Мапасан
Guy de Maupassant
Асабістыя звесткі
Імя пры нараджэнні	Анры-Рэнэ-Альбер-Гі дэ Мапасан
Псеўданімы	Joseph Prunier, Guy de Valmont і Maufrigneuse
Дата нараджэння	5 жніўня 1850(1850-08-05)
Месца нараджэння	Турвіль-сюр-Арк[d], canton of Offranville[d], arrondissement of Dieppe[d], дэпартамент Прыморская Сена, рэгіён Верхняя Нармандыя, Францыя
Дата смерці	6 ліпеня 1893(1893-07-06) (42 гады)
Месца смерці	Пасі, Парыж, Трэцяя французская рэспубліка
Пахаванне	могілкі Манпарнас
Грамадзянства	Францыя
Бацька	Gustave de Maupassant[d]
Альма-матар	ліцэй Генрыха IV[d] Ліцэй П’ер-Карнель[d] (1869) Q123138282? (май 1868)
Прафесійная дзейнасць
Род дзейнасці	навэліст, драматург, журналіст, раманіст, пісьменнік, паэт
Гады творчасці	з 1880
Кірунак	рэалізм
Жанр	Раман, навела, апавяданне
Мова твораў	французская
Прэміі	прэмія Вітэ[d] (1893)
Подпіс
maupassantiana.fr/index.…
Творы ў Вікікрыніцах
Медыяфайлы на Вікісховішчы
Цытаты ў Вікіцытатніку

Гі дэ Мапасан (фр.: Guy de Maupassant [ɡi də mopaˈsɑ̃], поўнае імя — Анры-Рэнэ-Альбер-Гі дэ Мапасан (фр.: Henry-René-Albert-Guy de Maupassant); 5 жніўня 1850—6 ліпеня 1893) — французскі пісьменнік, аўтар многіх знакамітых аповядаў, раманаў і аповесцяў.

Біяграфічныя звесткі

Скончыў Руанскі ліцэй (1869). Друкаваўся з 1876 года.

Творчасць

Аўтар сацыяльна-псіхалагічных раманаў «Жыццё» (1883), «Мілы друг» (1885), «Монт-Арыёль» (1886), «П'ер і Жан» (1887—88), «Моцная, нібы смерць» (1889), «Наша сэрца» (1890).

Прызнаны майстар навелы. Асаблівую вядомасць набыла яго навела «Пышка» (1880). У зборніках навел «Майстэрня Тэлье» (1881), «Мадэмуазель Фі-фі» (1882), «Дзядзечка Мілон» (1883), «Міс Гарыет» (1884), «Івета» (1885), «Пан Паран» (1886) і інш. адлюстраваны тэмы вайны, супраціўлення, кахання, імкненне ўвасобіць як высокія, так і змрочныя, «начныя» аспекты чалавечых пачуццяў і ўзаемаадносін.

Аўтар збонікаў «Вершы» (1880), кніг дарожных нарысаў «Пад сонцам» (1884), «На вадзе» (1888), «Бадзяжнае жыццё» (1890), драматычных, літаратурна-крытычных артыкулаў.

Яго творы адметныя глыбокім псіхалагізмам, сюжэтнай напружанасцю, прысутнасцю элементаў натуралізму і сімвалізму. Многія творы экранізаваныя.

Раманы

• Жыццё / Une vie (1883)
• Мілы друг / Bel Ami (1885)
• Монт-Арыёль / Mont-Oriol (1887)
• П'ер і Жан / Pierre et Jean (1888)
• Моцная, нібы смерць / Fort comme la mort (1889)
• Наша сэрца / Notre coeur (1890)
• Агонь жадання
• Чужая душа / L'Âme étrangère  (1895)
• Ангелюс / L'Angélus (1895) ; няскончаны раман

Беларускія пераклады

На беларускую мову асобныя творы Гі дэ Мапасана пераклалі А. Істомін, Н. Мацяш, С. Мурашка, М. Паслядовіч, С. Шупа; апавяданні «Аздоба», «Вяроўка», «Два сябры», «Прыгода Вальтэра Шнафса», «У моры» пераклаў З. Колас.

• Пышка. — Мн., 1937
• Навелы: пераклад з французскай / Гі дэ Мапасан. — Мінск : Мастацкая літаратура, 1987. — 365, [2] с., [1] л. партр. — (Бібліятэка замежнай прозы)

Літаратура

• Лявонава Е. Мапасан // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).

Спасылкі

• Творы Гі дэ Мапасана на Беларускай Палічцы