Генадзь Міхайлавіч Манакоў

Генадзь Міхайлавіч Манакоў
Род дзейнасці	лётчык, касманаўт
Дата нараджэння	1 чэрвеня 1950(1950-06-01)
Месца нараджэння	Яфімаўка[d], Яфімаўскім сельсавет[d], Курманаеўскі раён[d], Арэнбургская вобласць, РСФСР, СССР
Дата смерці	26 верасня 2019(2019-09-26) (69 гадоў)
Месца смерці	Звёздны гарадок[d], Гарадская акруга Звёздны гарадок[d], Маскоўская вобласць, Расія
Месца пахавання	Федэральныя ваенныя мемарыяльныя могілкі[d]
Грамадзянства	Расія  СССР
Альма-матар	Самарскі дзяржаўны аэракасмічны ўніверсітэт[d] (1969) Філіял «Узлёт» Маскоўскага авіяцыйнага інстытута (дзяржаўнага тэхнічнага ўніверсітэта)[d] (1985)
Партыя	КПСС
Прыналежнасць	Расія і СССР
Узнагароды і прэміі	Лётчык-касманаўт СССР класавая кваліфікацыя ваеннага лётчыка[d]

Генадзь Міхайлавіч Манакоў (руск.: Генна́дий Миха́йлович Манако́в; 1 чэрвеня 1950, Яфімаўка, Андрэеўскі раён, Чкалаўская вобласць, РСФСР, СССР — 26 верасня 2019, Звёздны гарадок, Маскоўская вобласць) — лётчык-касманаўт СССР, Герой Савецкага Саюза (1990).

Біяграфія

У 1967 годзе скончыў Яфімаўскую сярэднюю школу. У 1967—1969 гадах вучыўся ў Куйбышаўскім авіяцыйным інстытуце, праходзіў авіяцыйную падрыхтоўку ў школе ДТСААФ у Куйбышаве. У 1969—1973 гадах вучыўся ў Армавірскім вышэйшым Чырванасцяжным ваенным авіяцыйным вучылішчы лётчыкаў супрацьпаветранай абароны (АВВАКУЛ), скончыў яго з адзнакай і залатым медалём па спецыяльнасці «камандная знішчальная авіяцыя» з прысваеннем кваліфікацыі лётчыка-інжынера. У 1985 годзе скончыў вячэрняе аддзяленне факультэта самалётабудавання Ахтубінскага філіяла Маскоўскага авіяцыйнага інстытута імя Серго Арджанікідзэ «Узлёт».

З 1969 года ў Савецкай арміі. Асвоіў пілатаванне самалётаў Л-29, УТІ МіГ-15, МіГ-17. З 13 лістапада 1973 года — служба ў баявых часцях: лётчык 636-га знішчальнага авіяцыйнага палка (ІАП) 9-й дывізіі СПА, Краматорск Данецкай вобласці, Кіеўская акруга СПА; з 25 лістапада 1974 года — лётчык 894-га ІАП 19-й дывізіі СПА; з 17 сакавіка 1975 — старшы лётчык 636-га ІАП 9-й дывізіі 8-й асобнай арміі СПА, Краматорск, асвоіў пілатаванне самалёта Су-15ТМ; з 5 лістапада 1975 года — старшы лётчык 865-га ІАП Далёкаўсходняй акругі СПА, Елізава Камчацкай вобласці; з 14 чэрвеня 1976 года — намеснік камандзіра авіяцыйнай эскадрыллі па палітчастцы таго ж палка. З 21 снежня 1979 года накіраваны на падрыхтоўку ў 267-ы Цэнтр выпрабавання авіяцыйнай тэхнікі і падрыхтоўкі лётчыкаў-выпрабавальнікаў. У далейшым — лётна-выпрабавальніцкая і касмічная служба. 4 ліпеня 2000 года загадам Міністра абароны РФ звольнены ў запас.