Галівуд
![](http://upload.wikimedia.org/wikipedia/commons/thumb/e/e2/Hollywoodsign_%281%29.jpg/300px-Hollywoodsign_%281%29.jpg)
Галіву́д, або Халівуд[1] (англ.: Hollywood) — раён Лос-Анджэлеса, Каліфорнія, размешчаны на паўночным-захадзе ад цэнтра горада. Традыцыйна Галівуд атасаямляецца з амерыканскай кінаіндустрыяй, паколькі ў гэтым раёне знаходзіцца шмат кінастудый, і жывуць шматлікія вядомыя кінаакцёры.
У Галівудзе знаходзіцца вядомая на ўвесь мір алея славы — тратуар па Галівудскаму бульвару і Вайн-стрыт, у які ўкладзенае больш 2500 пяціканцовых зорак з імёнамі кіназорак.
Гісторыя
[правіць | правіць зыходнік]Да XVI ст., калі тэрыторыя, на якой размешчаны сучасны Лос-Анджэлес (у тым ліку і Галівуд), была адчыненая Хуанам Радрыгесам Кабрыльё (ісп.: Juan Rodriguez Cabrillo), гэту мясцовасць засялялі індзейцы Тонгва, Чумаш і іншых плямёнаў.
Каля 1870 года тэрыторыя сучаснага Галівуду была падзеленая іспанскім урадам на ўсходнюю частку — Rancho La Brea, і заходнюю — Rancho Los Feliz. У 1886 годзе Харві Хендэрсан Уількокс купіў Rancho La Brea, а яго жонка дала маёнтку новую назву — «Галівуд». На працягу некалькіх гадоў пад кіраўніцтвам Уілкокса была выбрукавана Праспект-авеню (сучасны Галівудскі бульвар), участкі ўздоўж якой ён прадаваў заможным выхадцам з Сярэдняга Захаду пад будаўніцтва. Неўзабаве Праспект-авеню, забудаваная маёнткамі ў віктарыянскім стылі, стала адной з самых прэстыжных вуліц. Жонка Уілкокса арганізавала збор дабрачынных сродкаў, і на гэтыя грошы былі пабудаваныя цэрквы, школы і бібліятэкі. У 1910 годзе Галівуд быў далучаны да Лос-Анджэлеса.
У 1911 годзе кампанія Nestor Company адкрыла ў Галівудзе на вуглу бульвара Сансет і вуліцы Гаўнер першую кінастудыю. Да 1920-м гадам у Галівудзе адкрыліся такія кінастудыі, як «Метра-Голдвін-Майер», «Парамаўнт Пікчэрс», «Уорнер Бразерс», «Дваццатае Стагоддзе Фокс», і Галівуд стаў цэнтрам амерыканскага кінематографа. У Галівудзе сталі будуецца дамы для шматлікіх працаўнікоў кінакампаній, адкрылася мноства банкаў, рэстаранаў, клубаў, кінатэатраў.
Пасля Другой Сусветнай вайны аблічча Галівуду ізноў змянілася. Хоць большасць кінастудый заставаліся ў самім Галівудзе, шматлікія зоркі кіно і шоу-бізнесу пераехалі ў Беверлі-Хілс, за імі рушылі ўслед фешэнэбельныя рэстараны і крамы.
У 1985 годзе Галівудскі бульвар быў занесены ў Нацыянальны рэестр гістарычных месцаў ЗША, які абараняе гістарычна значныя месцы і будынкі.
У 2001 годзе на Галівудскім бульвары быў адчынены Kodak Theater, у якім зараз праводзяцца цырымоніі ўзнагароджання прэміяй Оскар.
Насельніцтва
[правіць | правіць зыходнік]Паводле дадзеных перапіса насельніцтва 2000 года, у Галівудзе налічалася 167 664 жыхара. Расавы склад насельніцтва горада быў такі: 42,82 % белыя, 4,48 % афраамерыканцы, 0,68 % індзейцы, 8,98 % азіяты, 0,12 % — прадстаўнікі карэннага насельніцтва астравоў Ціхага акіяна, 22,23 % — прадстаўнікі іншых рас. 39,43 % насельніцтва вызначалі сваё паходжанне як іспанскае (лацінаамерыканскае).
Сярэдні гадавы прыбытак на душу насельніцтва складаў у 2000 годзе $26 119.
Мікрараёны Галівуду
[правіць | правіць зыходнік]- Beachwood Canyon
- Cahuenga Pass
- Hollywood Downtown/Civic area
- Hollywood Hills
- Hollywood Heights
- Laurel Canyon
- Mount Olympus
- Nichols Canyon
- Outpost Estates
- Sunset Hills
- East Hollywood
- Little Armenia [2]
- Thai Town
- Virgil Village
- Melrose District
- Melrose Hill
- Sierra Vista
- Spaulding Square
- Yucca Corridor
Славутасці
[правіць | правіць зыходнік]- Capitol Records
- Галівудская алея славы
- Знак Галівуду
- Hollywood Roosevelt Hotel
- Kodak Theatre
Зноскі
- ↑ Галівуд. Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).
- ↑ Пражываюць у асноўным армяне
Гл. таксама
[правіць | правіць зыходнік]Спасылкі
[правіць | правіць зыходнік]На Вікісховішчы ёсць медыяфайлы па тэме Галівуд