Бры Ларсан
Бры Ларсан | |
---|---|
англ.: Brie Larson | |
![]() | |
Дата нараджэння | 1 кастрычніка 1989[1][2][…] (34 гады) |
Месца нараджэння | |
Грамадзянства | |
Адукацыя | |
Прафесія | актрыса, спявачка, кінарэжысёр, сцэнарыст, кінаактрыса, тэлеактрыса, кінапрадзюсар, тэлепрадзюсар, рэжысёр |
Кірунак | поп-музыка |
Узнагароды | |
IMDb | ID 0488953 |
![]() |
Брыя́нна Дэсанье́ (англ.: Brianne Desaulniers), вядомая як Бры Ла́рсан (англ.: Brie Larson; нар. 1 кастрычніка 1989 года) — амерыканская актрыса і кінарэжысёрка. У падлеткавым узросце актрыса адзначалася ролямі другога плану ў камедыях, але з тых часоў яе творчасць пашырылася да галоўных роляў як у незалежных фільмах, гэтак і ў высокабюджэтных блокбастарах. На рахунку актрысы маюцца прэмія «Оскар» за найлепшую жаночую ролю, прэмія «Эмі» ў прайм-тайм і «Залаты глобус». Часопіс Time назваў яе адной з 100 самых уплывовых людзей у свеце на 2019 год.
Біяграфія
[правіць | правіць зыходнік]Брыянна нарадзілася ў Сакрамента, у штаце Каліфорнія. Навучанне атрымлівала дома. У шэсць гадоў яна стала наймаладзейшай студэнткай, прынятай на навучанне ў амерыканскі тэатр кансерваторыі. Неўзабаве яна пераехала ў Лос-Анджэлес і пачала сваю акцёрскую кар’еру ўжо ў 1998 годзе з камедыйнай замалёўкі ў перадачы «Вечаровае шоу з Джэем Лена». Яна з’яўлялася як заўсёдная актрыса ў сіткаме 2001 года «Як выхоўваць тату» і ненадоўга занялася музычнай кар’ерай, выпусціўшы альбом Finally Out of P.E. у 2005 годзе. Пасля Ларсан згуляла ролі другога плану ў камедыйных фільмах «Кугіканне савы» (2006), «Скот Пілігрым супраць свету» (2010) і «Джамп-стрыт, 21» (2012), а таксама з’явілася ў якасці з’едлівага падлетка ў тэлесерыяле «Такая розная Тара» (2009—2011). Ларсанавы прарыў адбыўся з галоўнай роляй у вядомай незалежнай драме «Кароткі тэрмін 12» (2013). Адначасова яна працягвала выконваць ролі другога плану ў экранізацыі рамана «Захапляльны час» (2013) і камедыі «Крушэнне цягніка» (2015). За ролю ахвяры выкрадання ў драме «Пакой» (2015) Ларсан атрымала прэмію «Оскар» за найлепшую жаночую ролю. Прыгодніцкі фільм 2017 года «Конг: Востраў чэрапа» стаў яе першым высокабюджэтным фільмам, пасля чаго яна знялася ў ролі Кэрал Дэнверс і Капітана Марвела ў супергеройскіх фільмах кінематаграфічнага сусвету Марвела, як «Капітан Марвел» (2019) і «Мсціўцы: Фінал» (2019).
Зноскі
[правіць | правіць зыходнік]- ↑ Bauer P. Brie Larson // Encyclopædia Britannica Праверана 9 кастрычніка 2017.
- ↑ Brie Larson // Brockhaus Enzyklopädie Праверана 9 кастрычніка 2017.
Спасылкі
[правіць | правіць зыходнік]- Бры Ларсан на сайце «Internet Movie Database» (англ.)
- Асобы
- Нарадзіліся 1 кастрычніка
- Нарадзіліся ў 1989 годзе
- Нарадзіліся ў Каліфорніі
- Лаўрэаты прэміі «Оскар» за «Найлепшую жаночую ролю»
- Актрысы паводле алфавіта
- Актрысы ЗША
- Лаўрэаты прэміі «Залаты глобус»
- Спевакі і спявачкі ЗША
- Дзеці-акцёры ЗША
- Лаўрэаты прэміі BAFTA
- Лаўрэаты прэміі «Эмі»
- Лаўрэаты прэміі «Незалежны дух»