Перайсці да зместу

БТР-70МБ1

З Вікіпедыі, свабоднай энцыклапедыі
БТР-70МБ1
БТР-70МБ1 падчас параду на Дзень Незалежнасці Беларусі, 2018 г.
БТР-70МБ1 падчас параду на Дзень Незалежнасці Беларусі, 2018 г.
БТР-70МБ1
Класіфікацыя бронетранспарцёр
Баявая маса, т 7[1]
Кампанавальная схема класічная
Экіпаж, чал. 2
Дэсант, чал. 8
Гісторыя
Распрацоўнік 140-ы рамонтны завод
Вытворца Беларусь 140-ы рамонтны завод
Гады распрацоўкі 2015
Гады вытворчасці з 2017
Гады эксплуатацыі з 2017
Войны Грамадзянская вайна ў Емене
Асноўныя аператары Беларусь Судан Кот-д’Івуар
Габарыты
Даўжыня, мм 7535
Шырыня, мм 2800
Вышыня, мм 2400[1]
Дарожны прасвет, мм 475 міліметр
Браніраванне
Лоб корпуса, мм/град. 8 — 10
Лоб вежы, мм/град. 6

БТР-70МБ1 — адзін з беларускіх варыянтаў мадэрнізацыі савецкага бронетранспарцёра БТР-70.

Гісторыя

[правіць | правіць зыходнік]

Распрацоўка мадэрнізаваных варыянтаў БТР-70 для ўзброеных сілаў краіны і замежных заказчыкаў пачалася на 140-м рамонтным заводзе МА РБ у горадзе Барысаў у пачатку 2000-х гадоў[2]. Распрацоўка БТР-70МБ1 праходзіла за кошт уласных сродкаў прадпрыемства[1] пад кіраўніцтвам галоўнага канструктара завода Вольгі Пятровай[3]. Машына прапаноўвалася на экспарт яшчэ да заканчэння дзяржаўных выпрабаванняў [4].

У маі 2014 года на выстаўцы зброі MILEX-2014, што праходзіла ў Мінску, завод паведаміў аб магчымасці вытворчасці на экспарт мадэрнізаванага бронетранспарцёра БТР-70МБ з рухавіком КАМАЗ[5]. У лістападзе 2016 года БТР-70МБ1 паспяхова завяршыў дзяржаўныя выпрабаванні[1].

У пачатку студзеня 2017 года даследча-канструктарскія работы па БТР-70МБ1 былі скончаны[1].

У 2018 годзе БТР-70МБ1 пачалі паступаць у падраздзяленні сіл спецыяльных аперацый Беларусі[6]. 24 ліпеня 2018 года яшчэ 32 бронетранспарцёра перадалі на ўзбраенне 103-й асобнай гвардзейскай паветрана-дэсантнай брыгады[7]. У гэтым жа годзе некалькі машын закупіў для сваіх узброеных сіл Судан[8] і 4 адзінкі Кот-д’Івуар[9].

Характарыстыка і апісанне

[правіць | правіць зыходнік]

У ходзе пераабсталявання БТР-70 у БТР-70МБ1 ладзіцца капітальны рамонт, рэматарызацыя (два бензінавых рухавіка ЗМЗ-4905 замяняюць на 8-цыліндравы дызельны рухавік КАМАЗ-7403.10 з магутнасцю 260 конскіх сіл), устаноўка новай раздатачнай каробкі і прывадаў яе кіравання[1]. Каробка пераключэння перадач пяціступенчатая[4]. Таксама ўсталёўваецца больш дасканалы вадамётны рухавік ад БТР-80[6].

Ажыццяўляецца замена радыёабсталявання — БТР-70МБ1 атрымаў беларускую лічбавую радыёстанцыю Р-181-50ТУ «Дрофа», якая забяспечвае перадачу маўленчай і лічбавай інфармацыі па памехаабароненаму каналу сувязі[6][1].

Для забеспячэння камфортнага размяшчэння вайскоўцаў на 140 мм павялічана вышыня дэсантнага адсеку, а для зручнага выхаду з бронемашыны — пашыраны праёмы бакавых люкаў з устаноўкай у іх двухстворкавых дзвярэй[1][6]. У мэтах маскіроўкі і прыкрыцця бронемашыны ад агню супрацьтанкавых сродкаў, мадэрнізаваны БТР-70МБ1 абсталяваны шасцю 81-мм дымавымі гранатамётамі 902В «Хмара-2», якія адстрэльваюць на далёкасць 200-300 м зарады, якія ўтвараюць суцэльную дымавую заслону памерам 50х28 м[1].

Устаноўлены шыны маркі КІ-80, выкананыя з кулестойкай гумы[7].

Штатнае ўзбраенне засталося ранейшым[1], але прадугледжана тэарэтычная магчымасць устаноўкі вежавага баявога модуля з 30-мм аўтаматычнай гарматай 2А42[6].

Баявое прымяненне

[правіць | правіць зыходнік]

У кастрычніку 2018 года з’явіліся звесткі аб выкарыстанні БТР-70МБ1 у баявых дзеяннях на тэрыторыі Емена суданскай арміяй. Дадзеныя машыны былі заўважаны ў раёне партовага горада Адэн.

У студзені 2022 года машына выкарыстоўвалася сіламі беларускай міратворчай роты падчас аперацыі ў Казахстане[10].

Зноскі

  1. ↑ а б в г д е ё ж з і ОАО «140 ремонтный завод» успешно завершил ОКР по модернизации БТР-70 // официальный сайт Государственного военно-промышленного комитета РБ от 4 января 2017
  2. ↑ Валерий Ковалев. Эффект модернизации // «Красная звезда» от 15 августа 2002
  3. ↑ Хищник из Борисова: тест новейшего белорусского броневика, сконструированного девушкой Архівавана 23 лістапада 2018. // официальный сайт Государственного военно-промышленного комитета РБ от 4 мая 2017
  4. ↑ а б "Большой интерес у зарубежного заказчика вызвал и глубоко модернизированный на предприятии БТР‑70МБ1 — с заменой двух бензиновых двигателей на дизельный силовой агрегат, пятиступенчатой КПП, а также другими более совершенными агрегатами и системами"
    подполковник запаса Николай Макаревич. Завод, умеющий всё Архівавана 26 ліпеня 2018. // «Во славу Родины», № 133 от 21 июля 2015
  5. ↑ Модернизированный бронетранспортер БТР-70МБ Архівавана 24 лістапада 2018. // официальный сайт государственного внешнеторгового унитарного предприятия "Белспецвнештехника" от 8 июля 2014
  6. ↑ а б в г д подполковник Александр Холод. Техника военного парада: механизированная колонна // газета "Во славу Родины", № 119 от 30 июня 2018
  7. ↑ а б Новая техника на вооружении витебских десантников Архівавана 19 лістапада 2018. // официальный сайт министерства обороны Республики Беларусь от 24 июля 2018
  8. ↑ Модернизированные белорусские БТР-70МБ1 воюют в Йемене
  9. ↑ Белорусский БТР-70МБ1. Модернизация БТР-70 ч.2 Архівавана 29 студзеня 2022.
  10. ↑ Видео(недаступная спасылка)
Узята з "https://be.wikipedia.org/w/index.php?title=БТР-70МБ1&oldid=4812015"