Арсес

Артаксеркс IV
стар.-перс. Artaxšacā IV
цар Ахеменідскай дзяржавы 338 — 336 да н.э.
Папярэднік	Артаксеркс III
Пераемнік	Дарый III
Нараджэнне	невядома Іран
Смерць	336 да н.э.(-336)
Род	Ахеменіды
Бацька	Artaxerxes III[d]
Маці	Atossa[d]
Веравызнанне	Зараастрызм
Медыяфайлы на Вікісховішчы

Арсес — персідскі цар, кіраваў у 338 — 336 гадах да н.э. пад імем Артаксеркс IV, з дынастыі Ахеменідаў. Малодшы сын Артаксеркса III. У яго кіраванне, у канцы 338 года да н.э. егіпцяне, пад кіраўніцтвам свайго правадыра Хабабаша, ізноў дамагліся незалежнасці.

Увесну 336 гады да н.э. македонскі цар Філіп II паслаў у Малую Азію 10 тысяч македонскіх воінаў пад камандаваннем вопытнага вайскавода Парменіёна. Падставай для гэтага паходу з’яўлялася вызваленне грэчаскіх гарадоў Малой Азіі ад персідскага валадарання. Некаторыя грэчаскія гарады з радасцю сустрэлі македанян. Такія гарады, як Кізік, Эфес, і нават сатрап Карыі Піксодар гатовы былі супрацоўнічаць з Македоніяй.

Да таго ж, у 336 годзе да н.э. нечакана памёр вопытны вайскавод, камандуючы персідскімі войскамі ў заходніх раёнах Малой Азіі Ментар Родаскі. У чэрвені 336 года да н.э. Арсес, як і яго бацька, таксама апынуўся ахвярай змовы Багоя, і быў забіты разам са сваёй сям’ёй. Кіраваў Арсес каля 2 гадоў. Нягледзячы на такое кароткачасовае кіраванне, Арсес, відаць, паспеў заслужыць нянавісць падданых. Ва ўсякім разе, у адным Вавілонскім тэксце яго імя згадваецца з праклёнамі.

Літаратура

• Дандамаев М. А. Политическая история Ахеменидской державы. — М.: Наука, 1985. — 319 с. — 10 000 экз. экз.
• Древний Восток и античность. // Правители Мира. Хронологическо-генеалогические таблицы по всемирной истории в 4 тт. / Автор-составитель В. В. Эрлихман. — Т. 1.

Спасылкі

• Арсес (англ.). — у Smith's Dictionary of Greek and Roman Biography and Mythology.

Ахеменіды
Папярэднік: Артаксеркс III	персідскі цар 338 — 336 да н. э.	Пераемнік: Дарый III
	фараон Егіпта 338 да н. э.	Пераемнік: Хабабаш