Перайсці да зместу

Аркейн (мультсерыял)

З Вікіпедыі, свабоднай энцыклапедыі
Аркейн
англ.: Arcane
Жанр фэнтэзійны тэлесерыял[d], прыгодніцкі тэлесерыял[d], стымпанк, навуковае фэнтэзі[d][1], экшан-тэлесерыял[d][1], прыгодніцкі фільм[2] і баявік[2]
Аўтар(ы) Christian Linke[d] і Alex Yee[d]
Рэжысёр(ы) Паскаль Шару
Арно Дэлорд
Жэром Комбэ
Сцэнарыст(ы) Крысціян Лінк
Алекс І
Конар Шыхі
Эш Брэннон
Вытворчасць Riot Games[d], Fortiche[d] і Epic Games[d]
Агучваюць Хэйлі Стэйнфілд
Элла Пернэл
Кевін Алехандра
Кэці Льюнг
Джэйсан Спайсак
Токс Алагундое
Гары Лойд[3]
Кампазітар Аляксандр Тэмпл
Алекс Сільвер
Краіна вытворчасці
Мова англійская
Колькасць сезонаў 2
Колькасць выпускаў 18
Вытворчасць
Працягласць 39—44 хв. (серыя)
Вяшчанне
Тэлеканал(ы) Netflix
Перыяд трансляцыі 6 лістапада 2021 — 20 лістапада 2021
Спасылкі
arcane.com
IMDb ID 11126994

«Арке́йн» (англ.: Arcane: League of Legends) — мультсерыял 2021 года па сусвету гульні «League of Legends[4][5][6]», створаны да дзесяцігоддзя гульні[7]. Мультсерыял быў створаны кампаніямі «Riot Games» і французскай студыяй «Fortiche Production». Прэм’ера першых трох серый адбылася 6 лістапада 2021 года, мультсерыял выйшаў на стрымінгавых платформах «Netflix» і «Tencent Video[8]». Серыял падзелены на тры «акты» па тры серыі; прэм’ера другога і трэцяга «актаў» адбылася 13 і 20 лістапада адпаведна[9][10]. Серыял працягнулі на другі сезон.

Дзеянне адбываецца ў выдуманых гарадах сусвету «League Of Legends»: арыстакратычным і квітнеючым Пілтаверы і Заўне, дзе жывуць беднякі і злачынцы. Узроставы рэйтынг мультсерыяла — «16 +»[11].

Сюжэт

[правіць | правіць зыходнік]

Першы сезон

[правіць | правіць зыходнік]

Сёстры Вайлет і Паўдэр разам з двума сябрамі здзяйсняюць няўдалае абрабаванне навуковай лабараторыі ў Пілтаверы. Адбываецца выбух і мясцовы аналаг паліцыі — міратворцы Пілтавера — настойліва шукаюць вінаватых. Гэта напружвае даўні канфлікт паміж Пілтаверам і Заўнам. Апякун сясцёр Вандэр спрабуе прадухіліць сутыкненні, але трапляе ў палон да сваяго старага ворага, Сілка. Вайлет з сябрамі спрабуюць яго вызваліць; Паўдэр думае, што можа дапамагчы сябрам і стварае бомбы з выкрадзеным з лабараторыі крышталем з невядомага рэчыва. У выніку выбуху гінуць сябры Вайлет, а пасля бойні і Вандэр. Вайлет у парыве некантралюемай злосці абвінавачвае ў смерцях сваю сястру, яна сыходзіць за кут будынка, ігнаруючы крыкі Паўдэр пра тое, каб яна яе не пакідала, у наступны момант падыходзіць Сілка, Вайлет, заўважыўшы гэта, хацела рынуцца да сястры, але міратворац Маркус схапіў яе, Паўдэр гэтую сітуацыю ўспрыняла так, нібы Вай яе кінула і кінулася ў абдымкі да Сілка.

Паралельна малады навуковец Джэйс Таліс, якому і належала разрабаваная лабараторыя, паўстае перад судом за эксперыменты з забароненай магіяй Аркейн. Яго выганяюць з Акадэміі і загадваюць знішчыць напрацоўкі. Аднак Джэйса Таліса падтрымліваюць даследчык Віктар і арыстакратка Мэл Медарда, дапамагаючы даказаць, што магію можна ўтаймаваць. Парушыўшы забарону, Джэйс і Віктар ствараюць сплаў магіі з тэхналогіяй — «гекстэк». Доктар Хеймердынгер, настроены крытычна, прызнае карысць гэтага адкрыцця, але асцерагаецца, што ім скарыстаюцца ў ваенных мэтах.

Дзякуючы гекстэку Пілтавер праз некалькі гадоў дасягае небывалага росквіту. Джэйс Таліс уваходзіць у савет Пілтавера, верачы, што яго вынаходкі прывядуць да міру і прагрэсу. Сілка ў гэты час плануе паўстанне і таемна захоплівае кантроль над Заўнам з дапамогай наркотыку «мігаценне», паступова ператварае наркаманаў у вырадкаў. Паўдэр пад яго апекай расце і бярэ сабе імя Джынкс. Яна выкрадае апошнюю гекстэкавую распрацоўку — самацвет, які служыць крыніцай велізарнай энергіі. Пры гэтым гінуць некалькі праваахоўнікаў. За расследаванне бярэцца міратворка Кейтлін Кіраман, якая вызваляе з турмы Вайлет. Удваіх яны знаходзяць сведчанне, што да крадзяжу самацвета датычная Джынкс. Савет Пілтавера рыхтуецца да ваенных дзеянняў супраць Заўна і адпраўляе на пенсію Хеймердынгера, затым ён далучаецца да банды «светлякоў», якая імкнецца ўтрымліваць законнасць у Заўне.

Смяротна хворы Віктар употай заручаецца падтрымкай алхіміка з Заўна, каб вылечыцца. Задума атрымоўваецца, але Віктар усведамляе, што гекстэкавыя распрацоўкі перасеклі маральныя мяжы. Джэйс Таліс, міжволі стаўшы забойцам хлопчыка з Заўна, пераконвае савет даць Заўну незалежнасць і тым самым забяспечыць мір паміж двума гарадамі. Аднак Джынкс, сыходзячы з розуму, успрымае разважанні Сілка аб прымірэнні за здраду. Яна незнарок забівае Сілка, выходзіць на адкрытую прастору і, карыстаючыся самацветам, страляе бомбай у бок Пілтавера. Бомба дасягае вокнаў залы, дзе ў гэты момант знаходзіца савет Пілтавера і ў гэты момант канчаецца першы сезон.

Другі сезон

[правіць | правіць зыходнік]

Яшчэ да выхаду першага сезону 17 кастрычніка 2019 года генеральны дырэктар Riot Games Нікола Ларан пісаў у твітары.

" Для нас вельмі важна заставацца крэатыўнымі і залазіць у рамкі бюджэту, калі мы з'явімся ў свеце вялікага ТБ. Мы запусцім некалькі сезонаў "Аркейн". Стваральнікі будуць мець месца для стварэння дзівосных гісторый і глыбокіх персанажаў.[12] "

На Geeked Week 10 лістапада 2023 года аўтары праекта абвясцілі, што прэм'ера другога сезона Аркейн запланавана на лістапад 2024 года.[13]

5 студзеня 2024 года на афіцыйным ютуб-канале Netflix выйшаў першы трэйлер.[14]

Агучвалі

[правіць | правіць зыходнік]

У чэрвені 2022 года выйшаў дубляж мультсерыялу на беларускую мову ад творчага аб'яднання AniBel.[15][16]

Эпізоды

[правіць | правіць зыходнік]

Ацэнкі і водгукі

[правіць | правіць зыходнік]

Зноскі

[правіць | правіць зыходнік]
  1. ↑ а б https://premierenext.com/arcane-when-will-it-happen-on-big-screens-to-know-click-here/
  2. ↑ а б https://web.archive.org/web/20211107201516/https://premierenext.com/arcane-when-will-it-happen-on-big-screens-to-know-click-here/
  3. ↑ ‘Arcane’: Hailee Steinfeld, Ella Purnell & Kevin Alejandro Among Voice Cast For Netflix ‘League Of Legends’ Animated Series. Deadline Hollywood (21 верасня 2021). Праверана September 21, 2021.
  4. ↑ Porter, Rick. ‘League of Legends’ Animated Series Set at Netflix (англ.). The Hollywood Reporter (3 мая 2021). Праверана 4 мая 2021.
  5. ↑ Palmer, Philip. League of Legends Arcane TV series: Release date, story, characters, and everything we know (англ.). PC Gamer (22 кастрычніка 2019). Праверана 14 сакавіка 2020.
  6. ↑ Riot Games Developing Animated Series Based on 'League of Legends' (англ.). The Hollywood Reporter. Праверана 14 сакавіка 2020.
  7. ↑ Arcane: Animated Series Announcement | Riot Pls: 10th Anniversary Edition - League of Legends(англ.), Праверана 2020-03-14
  8. ↑ Amidi, Amid. Netflix Releases 'Arcane' Trailer, Premiering November 6 (англ.). Cartoon Brew (25 верасня 2021). Праверана 25 верасня 2021.
  9. ↑ Riot Games and Netflix unveil Arcane animated TV series launching on November 6. Venture Beat (25 верасня 2021).
  10. ↑ Goslin, Austen. League of Legends’ Arcane series gets stunning new trailer, Netflix release date (англ.). Polygon (25 верасня 2021). Праверана 25 верасня 2021.
  11. ↑ Riot Games reveals details about Arcane animated series (англ.)(недаступная спасылка). Daily Esports (16 кастрычніка 2019). Архівавана з першакрыніцы 4 мая 2021. Праверана 14 сакавіка 2020.
  12. ↑ https://cyber.sports.ru/tribuna/blogs/cinema/2988370.html Другі сезон "Аркейн" дакладна будзе-бос Riot твітнуў гэта яшчэ ў 2019-м]
  13. ↑ https://gagadget.com/ru/kino/350985-premera-vtorogo-sezona-multseriala-arkejn-zaplanirovana-na-noyabr-2024-fanatam-pridetsya-zhdat-minimum-god/
  14. ↑ https://www.youtube.com/watch?v=uk3qCKHTQEE&t=46s
  15. ↑ AniBel — Фандаб.Вики - Крупнейшая свободная энциклопедия о фандабе и фансабе (руск.). fandub.wiki. Праверана 22 мая 2024.
  16. ↑ Глядзець Аркейн: Ліга легенд / Arcane [9 з 9 анлайн на беларускай мове ў агучцы і субцітрах ад Anibel.Net] . Глядзець Аркейн: Ліга легенд / Arcane [9 з 9] анлайн на беларускай мове ў агучцы і субцітрах ад Anibel.Net. Праверана 22 мая 2024.
Узята з "https://be.wikipedia.org/w/index.php?title=Аркейн_(мультсерыял)&oldid=4876477"