Аборт
Медыцынскі аборт | |
---|---|
![]() 8-тыднёвы эмбрыён у амніёне (10-ы тыдзень цяжарнасці), выняты ў выніку аперацыі па выдаленні маткі ў жанчыны, якая пакутавала на карцыному шыйкі маткі | |
МКХ-10 | O04.0 O04.1 O04.2 O04.3 O04.4 O04.5 O04.6 O04.7 O04.8 O04.9 |
МКХ-9 | 635 636 |
DiseasesDB | 4153 |
MedlinePlus | 002912 |
MeSH | D000028 |
![]() |
Аборт (ад лац.: abortus — выкідыш), (медыцынскае азначэнне — abruptio graviditatis) — штучнае перарыванне цяжарнасці шляхам выдалення плода з маткі ў тэрмін да 22 тыдняў ад зачацця (да моманту, калі магчыма нараджэнне жыццяздольнага дзіцяці) альбо на больш познім тэрміне. Можа праводзіцца як медыкаментозным шляхам (правакаванне выкідыша) так і аперацыйным. Аборт уяўляе сабой мэтанакіраванае перапыненне цяжарнасці па медыцынскіх, сацыяльных альбо іншых прычынах.
У 2012 годзе ў Беларусі было выканана 28,6 тысяч абортаў усіх тыпаў, ці 24,9 аборта на 100 паспяховых родаў[1]. Гэты паказчык памяншаецца: у 2000 годзе было выканана 121,9 тысяч абортаў (128,7 на 100 родаў)[1].
Магчымыя ўскладненні працэдуры
[правіць | правіць зыходнік]Верагоднасць ускладненняў
[правіць | правіць зыходнік]Верагоднасць ускладненняў пасля аборту залежыць ад тэхналогіі яго выканання, якасці правядзення працэдуры і тэрміну цяжарнасці.
СААЗ распрацавала сістэму рэкамендацый па правядзенні аборту, закліканых максімальна знізіць рызыку ускладненняў у любой сітуацыі — у прыватнасці, паменшыць верагоднасць траўміравання тканін [2]. СААЗ рэкамендуе пашыраць прымяненне тэхналогій бяспечнага аборту: медыкаментознай і вакуумнай, — а хірургічны аборт праводзіць толькі ў выпадках, калі прымяненне іншых метадаў немагчыма. Існуюць і рэкамендацыі па тэхніцы правядзення хірургічнага аборту: у прыватнасці, рызыка нанясення траўмы пацыентцы істотна зніжаецца, калі праводзіцца медыкаментозная падрыхтоўка да аборту (тады шыйка маткі раскрываецца натуральна пад уздзеяннем спецыяльных прэпаратаў, а не прымусова з выкарыстаннем хірургічных інструментаў).
Рызыка ускладненняў пры хірургічным аборце таксама звязана з тэрмінамі правядзення аперацыі: так, верагоднасць перфарацыі сценкі маткі узрастае на 20 % кожныя два тыдні цяжарнасці [3].
Дакладных статыстычных дадзеных пра сувязь аборту з бясплоддзем у цяперашні час не існуе [3].
Ускладненні аборту падпадзяляюць на тры групы: раннія, познія і аддаленыя [4][5].
Раннія
[правіць | правіць зыходнік](Падчас аборту або праз 1 тыдзень)
- Перфарацыя маткі — разрыў сценкі маткі.
- Гематаметра. Назапашванне крыві ў поласці маткі з прычыны пасляаперацыйнага крывацёку на фоне дрэннага скарачэння міаметрыя і неадэкватна праведзенага гемастаза.
- Няпоўны аборт. Мае месца пры няпоўным адабранні плацэнты і частак плоду. Клінічна выяўляецца працягваецца крывацёку, балючымі сутычкамі, дрэнным скарачэннем маткі. Патрабуе паўторнага выскрабанне поласці маткі (рэабразіі). З захаваннем частак плоду або плацэнты ў матцы звязана такое аддаленае ўскладненне, як плацэнтарны паліп (гестацыйная трофабластычная хвароба).
- Аборт, які не адбыўся (missed abortion). Прыватны выпадак няпоўнага аборту, калі адбываецца поўнае пакіданне адвергнутага плоду ў поласці маткі.
- Парывы шыйкі маткі. Могуць быць двух ступеняў выяўленасці: надрывы похвавай часткі і парывы сценкі шыйкі маткі. Без ўшывання ў зыходзе разрыву шыйкі маткі — істміка-цэрвікальная недастатковасць, эктрапіён, шыйкава-похвавы свіршч.
- Вострая страта крыві.
Познія
[правіць | правіць зыходнік](1 тыдзень — 1 месяц).
- Да познім ускладненняў абортаў адносяць гінекалагічную інфекцыю ўсіх ступеняў па класіфікацыі Бартэльс-Сазонава аж да гінекалагічнага сэпсіса: метраэндаметрыт, абвастрэнне хранічнага аднексіта, піасальпінкс, сальпінгаафарыт , піяметра, параметрыт.
Аддаленыя
[правіць | правіць зыходнік](Пазней 1 месяца).
- Парушэнні аварыяльна-менструальнага цыклу.
- Плацэнтарны паліп.
- Сіндром Ашэрмана.
- Істміка-цэрвікальная недастатковасць, эктапіі шыйкі маткі.
- Эндаметрыёз
- Парушэнне праходнасці маткавых труб.
- Изаімунізацыя па Rh-фактару Rh адмоўных жанчын. Рэзус-імунізацыя адбываецца пры перапыненні цяжарнасці пасля 10 тыдняў (калі фактар ужо сінтэзуецца) у 64,5 % жанчын пасля выскрабання поласці маткі і ў 48,8 % пасля вакуум-аспірацыі. Прафілактыка гэтага ўскладненні заключаецца ў увядзенні антырэзуснага імунаглабуліна не пазней 72 гадзін ад аперацыі.
- Абцяжарваннем цячэння наступнай цяжарнасці.
- Бясплоддзе.
Пазіцыі традыцыйных рэлігій у дачыненнні да абортаў
[правіць | правіць зыходнік]Пазіцыі хрысціянскіх канфесій
[правіць | правіць зыходнік]Пазіцыя Каталіцкай царквы
[правіць | правіць зыходнік]Аборт — дачаснае самаадвольнае або наўмыснае спыненне цяжарнасці; царквой прызнаецца як свядомае і непасрэднае забойства людской асобы на пачатковай стадыі яе жыцця, што ахоплівае перыяд паміж зачаццем і нараджэннем, і ніколі не можа быць дазволена ні як мэта, ні як сродак да добрай мэты, бо гэта акт сур'ёзнай непаслухмянасці Богу як творцу і гаранту жыцця. З усіх злачынстваў супраць жыцця, якія можа ўчыніць чалавек, аборту характэрныя рысы, якія робяць яго злачынства асабліва цяжкім і вартым асуджэння; Каталіцкая царква і дакументы II Ватыканскага сабору акрэсліваюць яго разам з дзетазабойствам як жахлівае злачынства[6].
Зноскі
- ↑ а б Статистический ежегодник Республики Беларусь, 2013. — С. 212.
- ↑ Дикке Г. Б., Ерофеева Л. В., Яроцкая Е. Л. От кюретки до таблетки. Артифициальный аборт: российские реалии // Status Praesens. Акушеру гинекологу — врачу и человеку. — № 1(4), февраль 2011 г. Архівавана 18 студзеня 2012.
- ↑ а б Право на аборт: что день грядущий нам готовит? Архівавана 26 студзеня 2012.
- ↑ Акушэрства.
- ↑ Безопасный аборт: Рекомендации для систем здравоохранения по вопросам политики и практики. ВОЗ 2004 г. Женева
- ↑ Завальнюк У.М. Энцыклапедычны слоўнік рэлігійнай лексікі беларускай мовы / У. М. Завальнюк, М. Р. Прыгодзіч, В. К. Раманцэвіч. — Мінск, Изд-во Гревцова, 2013. — с. 25, 808 с. ISBN 978-985-6954-73-6.