Імперыя Малі

Гістарычная дзяржава
Імперыя Малі
каля 1235 — 1670
Сталіца	Кангаба[d]
Мова(ы)	сенегамбійскія мовы[d]
Афіцыйная мова	мовы мандэ
Грашовая адзінка	золата
Форма кіравання	імперыя
Медыяфайлы на Вікісховішчы

Малі́ — дзяржаўнае ўтварэнне ў Заходнім Судане ў 8—17 ст. на тэрыторыі сучасных Малі і Гвінеі, у раёне верхняга цячэння ракі Нігер. Этнічная аснова Малі — плямёны мандынга.

Да пачатку 13 ст. знаходзілася ў залежнасці ад Ганы. З 11 ст. дзяржаўная рэлігія Малі — іслам. У 2-й палавіне 13 ст. пры мансе (правіцелі) Сундзьяце пачаўся хуткі ўздым Малі (сталіца — г. Ніяні). Дасягнула росквіту пры Мусе І (1312—1337) і Сулеймане (1341—1360), калі Малі займала тэрыторыю ад Атлантычнага акіяна да г. Гао ў сярэднім цячэнні Нігера. Асновай багацця быў гандаль рабамі і золатам. З 1370-х гадоў пачаўся заняпад, з 2-й палавіны 15 ст. Малі ў залежнасці ад дзяржавы Сангаі. У 17 ст. Малі існавала як невялікая вобласць вакол паселішча Кангаба, дзе захавалася улада царскага клана Кейта.

Літаратура

• Малі // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. С. 29.