Хламідыі

Хламідыі
Chlamydia trachomatis
Навуковая класіфікацыя
Дамен:  Бактэрыі Клас:  Chlamydiae Парадак:  Chlamydiales Сямейства:  Хламідыевыя Род:  Хламідыі
Міжнародная навуковая назва
Chlamydia
Сістэматыка на Віківідах Выявы на Вікісховішчы ITIS   956941 NCBI   810 EOL   97700

Хламідыі (Chlamydia) — род мікраарганізмаў сямейства хламідыевых; унутрыклетачныя паразіты млекакормячых жывёл, птушак і чалавека. Выклікаюць хламідыёзы.

Біялагічнае апісанне

Нерухомыя кокападобныя мікраарганізмы, утвараюць мікракалоніі, укрытыя агульнай мембранай. Цыкл развіцця ўключае 2 розныя па марфалогіі і біялагічных уласцівасцях формы існавання. Элементарнае цельца (стадыя спакою) — інфекцыйная форма. Унутры пашкоджаных клетак гаспадара яно павялічваецца і ператвараецца ў ініцыяльнае цельца (вегетатыўнае стадыя хламідый), якое дзеліцца драбленнем. Цыкл развіцця заканчваецца, калі даччыныя клеткі перабудоўваюцца, ушчыльняюцца і ператвараюцца ў элементарныя цельцы, якія выжываюць па-за клеткай і могуць заражаць іншыя клеткі гаспадара. Спор і капсул не ўтвараюць. Растуць, размнажаюцца і выспяваюць за 40 гадзін. Па-за арганізмам гаспадара хламідыі гінуць праз 1 хвіліну пры тэмпературы 90-100 °C.

Віды

• Chlamydia pneumoniae
• Chlamydia psittaci
• Chlamydia muridarum
• Chlamydia trachomatis

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).