Селядцовыя

Селядцовыя, селядцы (Clupeidae) — сямейства рыб атрада селядцападобных.

Селядцовыя
Clupea harengus
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Атрад:  Селядцападобныя Сямейства:  Селядцовыя
Міжнародная навуковая назва
Clupeidae Cuvier, 1817
Падсямействы
Гл. тэкст
Сістэматыка на Віківідах Выявы на Вікісховішчы ITIS   161700 NCBI   55118 EOL   6893 FW   53981

Біялагічнае апісанне

Даўжыня 35—45 см, у прахадных форм да 75 см, маса да 2 кг. Цела сціснутае з бакоў, укрытае вялікай цыклоіднай луской. Спіна зеленавата-шэрая, бакі і бруха серабрыстыя. Характэрна адсутнасць прабадной лускі бакавой лініі (ёсць толькі 2—5 адразу за галавой). На галаве развітыя сейсмасенсорныя каналы. Уздоўж сярэдняй лініі бруха ў многіх відаў ёсць кіль з прывостранай лускі. Кормяцца пераважна планктоннымі беспазваночнымі.

Арэал

Пашыраны ў морах ад Арктыкі да Субантарктыкі, разнастайныя ў тропіках; некаторыя віды ва ўмераных і халодных водах.

Таксанамія

Падзяляюцца на 7 падсямействаў, каля 20 (па іншых звестках каля 50) родаў, у т. л. пузанкі (Alosa), Clupea, сардзіны (Sardina), цюлькі (Clupeonella), шпроты (Sprattus), сардзінелы (Sardinella), Brevoortia. Каля 190 відаў.

Значэнне

Аб'екты промыслу.

Літаратура

• Селядцовыя // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 315. — 10 000 экз. — ISBN 985-11-0035-8. — ISBN 985-11-0238-5 (т. 14).