Дзяніс Аляксандравіч Дудкоў

Дзяніс Аляксандравіч Дудкоў (нар. 1904, м. Круглае, Магілёўскі павет (Магілёўская губерня) — пам. 1948) — беларускі і савецкі гісторык, кандыдат гістарычных навук (1935).

Дзяніс Аляксандравіч Дудкоў
Дата нараджэння	1904
Месца нараджэння	Круглае, Магілёўскі павет, Магілёўская губерня, Расійская імперыя
Дата смерці	1948
Род дзейнасці	гісторык
Месца працы	Інстытут гісторыі партыі пры ЦК КПБ Інстытут гісторыі НАНБ БДУ БДПУ
Навуковая ступень	кандыдат гістарычных навук
Альма-матар	БДУ

Біяграфія

Скончыў Беларускі дзяржаўны ўніверсітэт. У 1931—1941 г. працаваў у Інстытуце гісторыі партыі і Кастрычніцкай рэвалюцыі пры ЦК КП(б)Б, Інстытуце гісторыі АН БССР, БДУ і Мінскім педінстытуце. Кандыдат гістарычных навук (1935). Удзельнік Вялікай Айчыннай вайны, у чэрвені 1944 г. быў адкамандзіраваны ў гаўбічную артылерыйскую брыгаду Войска Польскага на 1-ы Беларускі фронт. З 1945 г. працаваў у БДУ, з 1946 г. — у Інстытуце гісторыі АН БССР.

Навуковыя працы

Аўтар прац па гісторыі Беларусі 2-й паловы XIX — пачатку XX ст. Займаўся даследаваннем развіцця капіталізму, рабочых і сялянскіх рухаў і інш. Сярод апублікаванага:

• Сталыпінская рэформа ў Віцебскай губерніі. — Мінск: Інстытут гісторыі Беларускай акадэміі навук,1931. — 123 с.
• Аб развіцці капіталізму ў Беларусі ў 2-й палове XIX і пачатку XX ст. — Мінск: Дзяржаўнае выдавецтва Беларусі, Партмассектар,1932. — 223 с.

Літаратура

• Астрога В., Кузьменка Ул. Аб гісторыках БССР у часы Вялікай айчыннай вайны // Беларусь у XX стагоддзі: Сборник. — Мн.: 2003. — В. 2;
• Белазаровіч В. А. Гістарыяграфія гісторыі Беларусі: вучэб. дапаможнік; Установа Адукацыі «Гродзенскі Дзярж. Ун-т імя Я. Купалы». — Гродна : ГрДУ, 2006. — 345 с. — ISBN 985-417-858-7..
• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6). — С. 255.