Aerosmith

Aerosmith
Гады	1970 — наш час
Месца ўтварэньня	Бостан, ЗША
Мова	ангельская
Жанр	гард-рок блюз-рок глэм-рок гэві-мэтал рок-н-рол
Выдавец	Columbia Records Geffen Records MCA Records Sony BMG Music Entertainment
Удзельнікі	Стывэн Тайлер Джо Пэры Брэд Ўітфард Том Гэмілтан Джоўі Крамэр
Былыя ўдзельнікі	Рэй Табана Джымі Крэспа Рык Д’юфэй
Узнагароды і прэміі	Заля славы рок-н-ролу (2001)
www.aerosmith.com

Aerosmith (гут. «Сьміты», па-ангельску: Smits) — амэрыканскі рок-гурт.

Гісторыя

Нягледзячы на тое, што «аэрасьмітаўцаў» часта звалі «дрэннымі хлопцамі з Бостану», ні для каго з удзельнікаў гэты горад не зьяўляецца радзімай. Стывэн Таларыка (Тайлер), Джо Пэры і Том Гэмілтан упершыню сустрэліся ў мястэчку Сьюнапі ў канцы 1960-х. Першы прыехаў зь Нью-Ёрку, другі з Масачусэтсу, а трэці зь Нью-Гэмпшыру. У 1970 хлопцы вырашылі зьяднацца ў гурт і заўважылі, што Бостан стане для іх ідэальнай базай. Гітарыст Брэд Ўітфард з бубначом Джоўі Крамэрам дапоўнілі склад гурта, і ў 1973 Aerosmith запісалі свой дэбютны аднайменны альбом.

За наступныя гады гурт выпусьціў шэраг пасьпяховых кружэлак, шмат гастраляваў і карыстаўся вялікай папулярнасьцю, але потым сутыкнуўся з праблемамі наркатычнай і алькагольнай залежнасьці, якія ледзь не паспрыялі распаду. У цяжкі пэрыяд 1979—1984 гадоў Пэры і Ўітфард сышлі з Aerosmith, але шмат у чым дзякуючы высілкам мэнэджара Тыма Колінза арыгінальны склад быў адноўлены, і група фактычна адрадзілася. З тых часоў Aerosmith дабіліся нават большага, чым у 70-я.

Прададзена 150 мільёнаў альбомаў, зь іх 66,5 — у Злучаных Штатах. Гэта самы высокі вынік сярод амэрыканскіх камандаў, якія граюць гард-рок, і другі ў сьвеце пасьля аўстралійцаў AC/DC. Па колькасьці залатых, плятынавых і мультыплятынавых альбомаў, Aerosmith першыя сярод амэрыканскіх груп. 21 песьня «Сьмітаў» трапіла ў Топ-40, 9 займалі першыя месцы ў гіт-парадах мэйнстрыму, гурт атрымаў 4 прэміі Грэмі. Aerosmith зрабілі моцны ўплыў на разьвіцьцё розных музычных кірункаў, спалучаючы ў сваёй творчасьці элемэнты гард-року, гэві-мэталу, глэму і блюзу. У 2001 годзе яны былі ўключаны ў Залю славы рок-н-ролу, а часопіс Rolling Stone і тэлеканал VH1 уключылі іх у сьпіс 100 самых вялікіх музыкаў усіх часоў (100 Greatest Artists of All Time).

Склад гурта

Удзельнікі (ад 1973):

• Стывэн Тайлер (па-ангельску: Steven Tyler): сьпеў, губны гармонік, піяніна, мандаліна
• Джо Пэры (па-ангельску: Joe Perry): гітара, сьпеў
• Том Гэмілтан (па-ангельску: Tom Hamilton): бас-гітара
• Брэд Ўітфард (па-ангельску: Brad Whitford): рытм-гітара
• Джоўі Крамэр (па-ангельску: Joey Kramer): барабаны

Былыя ўдзельнікі:

• Рэй Табана (па-ангельску: Ray Tabano): гітара, 1970—1971
• Джымі Крэспа (па-ангельску: Jimmy Crespo): гітара, 1979—1984
• Рык Д’юфэй (па-ангельску: Rick Dufay): гітара, 1980—1984

Вонкавыя спасылкі

Aerosmith — сховішча мультымэдыйных матэрыялаў