Эмблема Індыі
![](http://upload.wikimedia.org/wikipedia/commons/thumb/5/55/Emblem_of_India.svg/180px-Emblem_of_India.svg.png)
Эмблема Індыі уяўляе сабой выява «Львінай капітэлі» Ашокі ў Сарнатхэ. Імпэратар Ашока Вялікі ўсталяваў Слуп Ашокі з капітэлю, каб адзначыць месца, дзе Буда Гаўтама ўпершыню выкладаў Дгарму і дзе была заснавана буйная будыйская сангха. Чатыры львы, якія стаяць шчыльна адзін да аднаго, усталяваны на абаку з бардзюрам.
![](http://upload.wikimedia.org/wikipedia/commons/thumb/1/1f/Star_of_the_Order_of_the_Star_of_India_%28gold%29.svg/220px-Star_of_the_Order_of_the_Star_of_India_%28gold%29.svg.png)
Выява гэтай скульптуры абвешчана Нацыянальнай эмблемай Індыі 26 студзеня 1950, у дзень, калі Індыя стала рэспублікай.
На гербе намаляваны чатыры індыйскіх ільвы на круглай абацы. Чацьвёрты леў знаходзіцца ззаду і, такім чынам, схаваны зь віду. Герб сымбалізуе нацыю, якая «адважная ў храбрасьці, моцная ў целе, разважлівая ў парадзе і страшыць праціўнікаў». Абака ўпрыгожана чатырма жывёламі — сымбалямі чатырох кірункаў: Леў — поўначы, Слон — усходу, Конь — поўдня і Бык — захаду (бачны Конь і Бык). Абака абапіраецца на лётас, які сымбалізуе крыніцу жыцьця.
Ніжэй абакі знаходзіцца дэвіз, запісаны дэванагары: सत्यमेव जयते (Satyameva Jayate, «Толькі Ісьціна перамагае»). Гэта цытата з Мундака Упанішады (завяршальнай часткі сьвятога індускага пісаньня Веды).