Фэдэрыка Вальвэрдэ
Фэдэрыка Вальвэрдэ | ||
![]() | ||
Пэрсанальная інфармацыя | ||
---|---|---|
Нарадзіўся | 22 ліпеня 1998[1][2] (26 гадоў) | |
Рост | 183 см | |
Вага | 72 кг | |
Пазыцыя | паўабаронца | |
Клюбная інфармацыя | ||
Клюб | Рэал Мадрыд | |
Нумар | 8 | |
Клюбы | ||
Гады | Клюб | Гульні (галы)¹ |
2015—2016 2016—2018 2017—2018 2018— |
Пэньяроль Рэал Мадрыд Кастыльля → Дэпартыва (арэнда) Рэал Мадрыд |
12 (0) 30 (3) 24 (0) 175 (14) |
Зборныя | ||
2017— | Уругвай | 62 (7) |
¹ Колькасьць гульняў і галоў за прафэсійны клюб лічыцца толькі |
Фэдэры́ка Вальвэ́рдэ (па-гішпанску: Federico Valverde; нар. 22 ліпеня 1998 году) — уругвайскі футбаліст, цэнтральны абаронца гішпанскага клюбу «Рэал» і нацыянальнай зборнай Уругваю. Ёсьць унівэрсальным гульцом, вядомы сваёй хуткасьцю працы і трываласьцю. Часам мае выконваць функцыю абарончага паўабаронцы, правага ўінгера, а часам і правага абаронцы.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Вальвэрдэ правёў большую частку сваёй маладосьці ў акадэміі «Пэньяролю», дзе хутка зарабіў сабе імя. Дэбютаваў у складзе асноўнай дружыны клюбу ў сэзоне 2015—2016 гадоў супраць клюбу «Сэра». Дзякуючы выступам хутка прыцягнуў увагу эўрапейскіх клюбаў, як то «Арсэнал», «Барсэлёна», «Чэлсі» і «Рэал»[3][4]. У ліпені 2016 году футбаліст далучыўся да гішпанскага «Рэалу», і, спачатку, увайшоў да складу другой дружыны клюбу. Ужо ў дэбютным сэзоне Вальвэрдэ замацаваўся ў асноўным складзе рэзэрвістаў. Наступным сэзонам 2017—2018 гадоў уругваец накіраваўся ў арэнду ў клюб Ля Лігі «Дэпартыва»[5]. Дэбют гульца ў гішпанскай эліце адбыўся 10 верасьня, калі футбаліст замяніў на пляцоўцы Фэдэрыка Картабію ў хатнім матчы супраць «Рэал Сасьедаду», але клюб атрымаў паразу зь лікам 2:4. Вальвэрдэ згуляў 24 матча ў гішпанскім першынстве, але ня здолеў дапамагчы клюбу захаваць месца ў лізе. Па вяртаньні да «Рэалу» новы трэнэр клюбу Хулен Ляпэтэгі зацікавіўся гульцом, прыцягваючы яго да асноўнага складу. У наступным сэзоне Зынэдын Зыдан зрабіў уругвайца ключовым футбалістам клюбу. 9 лістапада 2019 году Вальвэрдэ забіў свой першы гол за «Рэал» у матчы супраць «Эйбару» (4:0)[6]. 27 верасьня 2020 году Вальвэрдэ пацэліў у браму «Бэтысу» на пачатку сэзону 2020—2021 гадоў, дзякуючы чаму «сьметанковыя» здабылі перамогу зь лікам 3:2. Вальвэрдэ быў абраны гульцом матчу[7]. Гэта быў ягоны 50-ы матч у Ля Лізе ў складзе сталічнага клюбу[8]. Празь месяц, 24 кастрычніка, уругваец трапна ўлучыў мяч у браму «Барсэлёны», чым дапамог клюбу здабыць перамогу зь лікам 3:1. 24 жніўня 2021 году Вальвэрдэ працягнуў кантракт з мадрыдцамі да 2027 году[9].
Міжнародная
[рэдагаваць | рэдагаваць крыніцу]У жніўні 2017 году Вальвэрдэ быў выкліканы да складу нацыянальнай зборнай Уругваю[10] і дэбютаваў у колерах зборнай 5 верасьня 2017 году супраць зборнай Парагваю[11]. У гэтым жа матчы гулец адкрыў лік у матчы, які скончыўся перамогай уругвайцаў зь лікам 2:1.
Дасягненьні
[рэдагаваць | рэдагаваць крыніцу]«Пэньяроль»:
- Чэмпіён Уругваю: 2016
«Рэал»:
- Чэмпіён Гішпаніі: 2020, 2022, 2024
- Уладальнік Кубка Гішпаніі: 2023
- Уладальнік Супэркубка Гішпаніі: 2020, 2022, 2024
- Пераможца Лігі чэмпіёнаў: 2022, 2024
- Уладальнік Супэркубка УЭФА: 2022, 2024
- Пераможца клюбнага чэмпіянату сьвету: 2018, 2022
Крыніцы
[рэдагаваць | рэдагаваць крыніцу]- ^ а б в Federico Valverde // Transfermarkt (мн.) — 2000.
- ^ а б в FEDERICO SANTIAGO VALVERDE // Argentine Soccer Database (гішп.)
- ^ Giles, Will (11.04.2015). «Arsenal 'launch bid to beat Barca to South America’s most exciting talent'». Metro.
- ^ Malyon, Ed (9.04.2015). «Arsenal and Chelsea battling for transfer of Uruguayan wonderkid». Daily Mirror.
- ^ «Fede Valverde, nuevo jugador del Deportivo para la Temporada 2017—2018». Deportivo La Coruña.
- ^ «Karim Benzema double helps Real Madrid cruise past Eibar». ESPN.
- ^ «Betis 2–3 Real Madrid: results, summary and goals». AS.
- ^ «Valverde makes 50th LaLiga appearance for Real Madrid». Real Madrid.
- ^ «Official Announcement: Valverde». Real Madrid.
- ^ «Reservados vs. Argentina y Paraguay». AUF.
- ^ «El futuro de la celeste está asegurado». El Observador.
Вонкавыя спасылкі
[рэдагаваць | рэдагаваць крыніцу]- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball
Рэал Мадрыд — цяперашні склад
|
---|
1 Куртуа · 2 Карвахаль · 3 Мілітан · 4 Аляба · 5 Бэлінггэм · 6 Нача · 7 Вінісіюс · 8 Кроос · 10 Модрыч · 11 Радрыгу · 12 Камавінга · 13 Лунін · 14 Хасэлю · 15 Вальвэрдэ · 17 Васкес · 18 Чуамэні · 19 Сэбальяс · 20 Гарсія · 21 Дыяс · 22 Рудыгер · 23 Мэндзі · 24 Гюлер · 25 Арысабаляга · 32 Пас · Трэнэр: Анчэлёцьці |