Тампа Бэй Лайтнінг

	Тампа Бэй Лайтнінг
Дывізіён	Атлянтычны
Канфэрэнцыя	Усходняя
Краіна	ЗША
Горад	Тампа, Флорыда
Заснаваны	1992
Стадыён	Tampa Bay Times Forum
Колеры	сіні, белы і чорны;
Гісторыя	Тампа Бэй Лайтнінг (1992 — цяпер)
Афіцыйны сайт	lightning.nhl.com (анг.)

Тампа Бэй Лайтнінг (па-ангельску: Tampa Bay Lightning) — прафэсійны хакейны клюб, які гуляе ў Нацыянальнай хакейнай лізе. Клюб знаходзіцца ў горадзе Тампа, штат Флорыда, ЗША. «Лайтнінг» тройчы здабываў Кубка Стэнлі, апошні зь якім скарыўся клюбу ў 2021 годзе. Наступная спроба здабыць яго ў наступным годзе скончылася няўдачаў, бо тампаўцы ў фінале зьведалі паразу ад «Каларада Эвэланш».

Гісторыя

У канцы 1980-х гадоў кіраўніцтва НХЛ абвесьціла аб далейшым пашырэньні. Дзьве суперніцкія групы з рэгіёну Тампа-Бэй вырашылі падаць заяўку на франшызу. Першая з групаў месьцілася ў Сэнт-Пітэрзбэргу і ўлучала будучых уладальнікаў «Караліны Гарыкейнз» Пітэра Карманаса і Джыма Ратэрфорда. Другая група, якая базавалася ў Тампе, ачольвалася колішнімі хакеістамі братамі Філам і Тоні Эспазыта, якія абодва ўключаныя да Залі хакейнай славы. Сям’я Прыцкер, якая была адной з ключавых партнэраў групы Эспазыта, адмовілася ад удзелу за некалькі месяцаў да падачы заяўкі. У выніку сям’я была замененыя кансорцыюмам японскіх прадпрыемстваў на чале з Какусай Грынам. Зважаючы на тое, што група Карманаса і Ратэрфорда здавалася мела больш фінансавых рэсурсаў, яны былі гатовыя заплаціць толькі 29 мільёнаў даляраў у якасьці першапачатковага ўнёска. Група Эспазыта і Какусая магла дазволіць сабе сплаціць адразу 50 мільёнаў даляраў^[1]. У выніку група колішніх хакеістаў атрымала франшызу 6 сьнежня 1990 году^[2]. Новая каманда атрымала назву «Тампа Бэй Лайтнінг» паколькі рэгіён Тамба-Бэй лічыцца маланкавай сталіцай Паўночнай Амэрыкі.

Філ Эспазыта прызначыў сябе прэзыдэнтам клюбу, а ягоны брат Тоні ачоліў скаўцкі аддзел. Тэры Крысп, які некалі яшчэ хакеістам абараняў колеры «Філадэлфіі Флаерз» ў сярэдзіне 1970-х гадоў, а таксама здабываў з «Калгары Флэймз» у якасьці трэнэра Кубак Стэнлі ў 1989 годзе, быў прызначаны першым галоўным трэнэрам каманды. Эспазыта падцягнуў свайго былога партнэра па «Бостан Бруінз» Ўэйна Кэшмана на пасаду памочніка Крыспа.

Сваю першую гульню «Тампа Бэй Лайтнінг» у НХЛ згуляла 7 кастрычніка 1992 году на маленькай арэне Экспа-Хол у Іст-Лэйк-Орыент-Парк. У гэтай сустрэчы тампаўцы перамаглі «Чыкага Блэкгокс», выйграўшы зь лікам 7:3. Чатыры шайбы закінуў у той гульні Крыс Контас. Дружына трымалася на вяршыні табліцы свайго дывізіёну ажно месяц, дзякуючы шыкоўнаму пачатку сэзону Контаса і добрай гульні Браяна Брэдлі. Аднак, у выніку «Лайтнінг» скончыў сэзон на апошнім месцы, зарабіўшы 53 пункты. На той час гэта быў адзін з найлепшых паказьнікаў камандаў-навакоў у НХЛ. «Маланкі» была перамешчаныя ў Атлянтычны дывізіён Усходняй канфэрэнцыі, а таксама каманда зьмяніла сваю хатнюю арэну, пераехаўшы ў Флорыда-Санкоаст-Дом у Сэнт-Пітэрзбэрг, які быў пераўладкаваны на прыдатнасьць ладжаньня хакейных матчаў^[3]. Клюб набыў брамніка Дарэна Пупа, а таксама нападнікаў Пэтра Клімы і Дэні Савара. Пупа значна палепшыў статыстыку ў колькасьці прапушчаных шайбаў, але клюб зноў апынуўся апошнім у сваім дывізіёне.

Склад

Паводле стану на 4 кастрычніка 2024 году

Брамнікі
31	Юнас Югансан	19.09.1995	70	Мэт Томкінз	19.06.1994
88	Андрэй Васілеўскі	25.07.1994
Абаронцы
27	Раян Макдона	13.06.1989	43	Дарэн Радыш	28.02.1996
48	Нік Пэрбікс	15.06.1998	64	Стывэн Сантыні	07.03.1995
65	Максўэл Кроўжэр	19.04.2000	67	Дэклан Карлайл	18.05.2000
77	Віктар Гэдман	18.12.1990	78	Эміль Лілебэрг	02.02.2001
81	Эрык Чэрнак	28.05.1997	90	Яніс Мозэр	06.06.2000
Нападнікі
11	Люк Глендэнінг	28.04.1989	13	Кэм Аткінсан	05.06.1989
14	Конар Гікі	05.05.2004	20	Нік Пол	20.03.1995
21	Брэйдэн Пойнт	13.03.1996	23	Майкл Эйсымонт	09.09.1996
28	Зэмгус Гіргенсанс	05.01.1994	38	Брэйдан Гэйгел	27.08.1998
41	Мітчэл Чэйфі	26.01.1998	52	Максім Грошаў	14.12.2001
53	Дылан Д’юк	04.03.2003	59	Джэйк Генцэл	06.10.1994
71	Энтані Сырэльлі	15.07.1997	73	Конар Шэры	08.06.1992
86	Мікіта Кучараў	17.06.1993	89	Ітан Гат’е	26.01.2005
93	Гейг Гансалвэс	16.01.2001	96	Габрыел Штурц	24.09.2003

Крыніцы

^ Stein, Gil (1997). «Power Plays: An Inside Look at the Big Business of the National Hockey League». — С. 86—92.
^ «A franchise is born 25 years ago». NHL.
^ Buckley, Tim (10.10.1993). «Lightning’s spark? It was on the bench». Tampa Bay Times.