Рафаэль Маркес
Рафаэль Маркес | ||
![]() | ||
Пэрсанальная інфармацыя | ||
---|---|---|
Нарадзіўся | 13 лютага 1979[1][2][3][…] (45 гадоў) | |
Рост | 182 см | |
Вага | 74 кг | |
Пазыцыя | цэнтральны абаронца | |
Клюбы | ||
Гады | Клюб | Гульні (галы)¹ |
1996—1999 1999—2003 2003—2010 2010—2012 2013—2014 2014—2015 2016—2018 |
Атляс Манака Барсэлёна Нью-Ёрк Рэд Булз Леон Вэрона Атляс |
80 (6) 87 (5) 163 (9) 44 (1) 50 (1) 35 (0) 58 (1) |
Зборныя | ||
1997—2018 | Мэксыка | 143 (19) |
Рафаэ́ль Ма́ркес А́льварэс (па-гішпанску: Rafael Márquez Álvarez; нарадзіўся 13 лютага 1979 году, Самора-дэ-Ідальга, Мэксыка) — мэксыканскі футбаліст, абаронца нацыянальнай зборнай Мэксыкі. Выступае на пазыцыі цэнтральнага абаронцы, аднак, таксама, можа згуляць на пазыцыі паўабаронцы абарончага пляну. Вядомы як адзін з самых выбітных мэксыканскіх абаронцаў за ўсю гісторыю[4]. Маркес зьяўляецца першым гульцом, які чатыры разы быў капітанам на чэмпіянатах сьвету (2002, 2006, 2010, 2014). У сябе на радзіме ў Мэксыкцы Рафаэль часьцяком крытыкуецца за ягоную недысцыплінаванасьць, то бок Маркес можа атрымаць чырвоную картку ў важных матчах.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]![](http://upload.wikimedia.org/wikipedia/commons/1/1a/Marques_Joan_Gamper_Trophy.jpg)
Маркес пачынаў сваю кар’еру ў гвадаляхарском клюбе «Атляс», у якім ён дэбютаваў у 17 гадоў. Пасьля пасьпяховых выступаў у клюбе, згуляўшы за яго ў 77 гульнях, Маркес атрымаў запрашэньне ў нацыянальную зборную Мэксыкі ў 1997 годзе. У 1999 годзе за 6 млн эўра абаронца перайшоў у «Манака». У Францыі посьпех таксама хутка прыйшоў да Маркеса, і ўжо ў першым сваім сэзоне ён дапамог камандзе стаць чэмпіёнам Францыі. Нягледзячы на прапановы з больш заможных клюбаў, Маркес заставаўся ў «Манака» да 2003 году, пасьля чаго перайшоў у «Барсэлёну» за 5 млн эўра.
У першым сэзоне ў гішпанскім клюбе мэксыканец адгуляў у 21 гульні, выступаючы на пазыцыі цэнтральнага абаронцы, і дапамог камандзе заняць другое месца ў чэмпіянаце. У другім сэзоне Маркес гуляў у асноўным на пазыцыі апорнага паўабаронцы, паколькі траўмы атрымалі Тыягу Мота, Эдмілсан і Хэрард Лёпэс. Ён правёў выдатны сэзон, зьяўляючыся адным з найважнейшых гульцоў «Барсэлёны», якая стала чэмпіёнам Гішпаніі. У «Барсэлёне» Рафаэль выступаў пад 4 нумарам.
1 жніўня 2010 году Маркес падпісаў кантракт з клюбам МЛС «Нью-Ёрк Рэд Булз», куды адправіўся за сваім аднаклюбнікам Т’еры Анры[5]. У 2014 годзе вярнуўся ў Эўропу ў італьянскі клюб «Вэрона»[6].
Міжнародная
[рэдагаваць | рэдагаваць крыніцу]За нацыянальную зборную Мэксыкі дэбютаваў 5 лютага 1997 году ў матчы супраць зборнай Эквадору.
Дасягненьні
[рэдагаваць | рэдагаваць крыніцу]Клюбныя
[рэдагаваць | рэдагаваць крыніцу]![](http://upload.wikimedia.org/wikipedia/commons/thumb/8/8c/RafaelMarquezAlvarez.jpg/350px-RafaelMarquezAlvarez.jpg)
«Манака»:
- Чэмпіён Францыі: 2000
- Уладальнік Кубка францускай лігі: 2003
- Уладальнік Супэркубка Францыі: 2000
«Барсэлёна»:
- Чэмпіён Гішпаніі (4): 2005, 2006, 2009, 2010
- Уладальнік Кубка Гішпаніі: 2009
- Уладальнік Супэркубка Гішпаніі (3): 2005, 2006, 2009
- Пераможца Лігі чэмпіёнаў (2): 2006, 2009
- Уладальнік Супэркубка Эўропы: 2009
- Пераможца клюбнага чэмпіянату сьвету: 2009
«Леон»:
- Чэмпіён Мэксыкі (2): 2013 (а), 2014 (к)
Міжнародныя
[рэдагаваць | рэдагаваць крыніцу]Мэксыка:
- Уладальнік Кубка канфэдэрацыяў: 1999
- Уладальнік Залатога кубка КОНКАКАФ (2): 2003, 2011
Крыніцы
[рэдагаваць | рэдагаваць крыніцу]- ^ а б в Rafael Márquez // Transfermarkt (мн.) — 2000.
- ^ а б в Rafael Márquez Álvarez // Enciclopèdia de l'esport català (кат.) — Grup Enciclopèdia, 2012.
- ^ а б в RAFAEL MARQUEZ // Argentine Soccer Database (гішп.)
- ^ Rafael Márquez, la resurrección del Kaiser mexicano. Zócalo Saltillo
- ^ New York Red Bulls sign Mexican National Team captain Rafa Marquez. NewYorkRedBulls.com
- ^ Transfer news: Hellas Verona have secured the services of Rafael Marquez. Sky Sports News
Вонкавыя спасылкі
[рэдагаваць | рэдагаваць крыніцу] Рафаэль Маркес — сховішча мультымэдыйных матэрыялаў
- Афіцыйны сайт
- Профіль на Transfermarkt
- Профіль на Soccerway
- Статыстыка на National Football Teams