Нуакшот

Нуакшот
Дата заснаваньня:	1957
Краіна:	Маўрытанія
Акруга:	Нуакшот
Плошча:	1000 км²
Вышыня:	7 м н. у. м.
Насельніцтва
колькасьць:	881 000 чал.
шчыльнасьць:	881 чал./км²
Часавы пас:	UTC+1
Геаграфічныя каардынаты:	18°5′8.92″ пн. ш. 15°58′42.60″ з. д.
Нуакшот на мапе Маўрытаніі Нуакшот
Галерэя здымкаў у Вікісховішчы
https://crn.mr/fr/, https://crn.mr/index.php

Нуакшо́т (па-арабску: نواكشوط‎, па-француску: Nouakchott) — сталіца Маўрытаніі, разьмяшчаецца ў заходняй частцы краіны, за чатыры кілямэтры ад узьбярэжжа Атлянтычнага акіяна. У перакладзе з бэрбэрскай мовы назва гораду азначае «месца, дзе сьвішча вецер». Адначасова Нуакшот зьяўляецца сталіцай аднайменнай акругі Маўрытаніі.

У горадзе існуюць прадпрыемствы апрасьненьня марской вады, міжнародны аэрапорт. Выгляд гораду характарызуецца нізкімі будынкамі і адсутнасьцю хмарачосаў.

Гісторыя

Яшчэ ў пачатку ХХ стагодзьдзя на месцы будучага Нуакшоту існаваў толькі пустэльны калодзеж. У 1904 годзе тут было пабудаванае невялікае ўмацаваньне францускіх войскаў, а ў 1920-х гадах форт і аэрадром для абслугоўваньня самалётаў, якія ляталі па трасе Тулюза — Дакар.

У 1957 годзе было прынята рашэньне аб пабудове гораду, адразу як сталіца змагаючайся за незалежнасьць Маўрытаніі. Будаўніцтва было распачата ў наступным годзе. Па плянах будучы горад павінен быў стаць домам для 15 тыс. жыхароў.

Катастрафічная засуха ў 1970-х гадах выклікала вялізарную міграцыю людзей у Нуакшот, якія шукалі тут лепшых умоваў для жыцьця. У 2004 годзе колькасьць жыхароў склала 689 тыс. чалавек. З прычыны раптоўнага росту насельніцтва цяпер горад змагаецца зь нястачай пітной вады.

Вонкавыя спасылкі

Нуакшот — сховішча мультымэдыйных матэрыялаў