Калуская вобласьць
Калуская вобласьць | |
Калужская область | |
![]() | ![]() Сьцяг |
Гімн | Q116621621? |
---|---|
Агульныя зьвесткі | |
Краіна | Расея |
Статус | вобласьць |
Уваходзіць у | Цэнтральная фэдэральная акруга Цэнтральны эканамічны раён |
Адміністрацыйны цэнтар | Калуга |
Дата ўтварэньня | 5 ліпеня 1944 |
Губэрнатар | Анатоль Атрамонаў |
Насельніцтва (2010) | 1 011 608[1] (52-е месца) |
Шчыльнасьць | 34 чал./км² |
Плошча | 29 777 км² (64-е месца) |
Месцазнаходжаньне Калускай вобласьці | |
![]() | |
Мэдыя-зьвесткі | |
Часавы пас | GMT +4 |
Код ISO 3166-2 | RU-KLU |
Код аўтам. нумароў | 40 |
Афіцыйны сайт | |
![]() |
Калу́ская во́бласьць (па-расейску: Калужская область) — вобласьць у эўрапейскай частцы Расеі. Адміністрацыйны цэнтар — места Калуга, якое знаходзіцца за 188 км ад Масквы. Вобласьць уваходзіць у Цэнтральную фэдэральную акругу, мяжуе з Маскоўскай, Тульскай, Бранскай, Смаленскай і Арлоўскай абласьцямі. Вобласьць утворана 5 ліпеня 1944 году.
Геаграфія
[рэдагаваць | рэдагаваць крыніцу]Вобласьць разьмешчана ў цэнтральнай частцы Ўсходне-эўрапейскай раўніны. На захадзе й паўночным захадзе вобласьці разьмешчана Смаленскае ўзвышша з вышынёй да 279 м, на ўсходзе — Сярэднярускае ўзвышша. Рэльеф вобласьці ўяўляе сабой узгорыста-ўвалістую, месцамі плоскую раўніну, густа разьдзеленая далінамі рэкаў і лагчынамі. З поўначы на поўдзень вобласьць працягнулася больш за 220 км, з захаду на ўсход — на 220 км, плошча тэрыторыі складае 29,9 тысяч км².
Клімат
[рэдагаваць | рэдагаваць крыніцу]Клімат Калускай вобласьці ўмерана-кантынэнтальны з рэзка выяўленымі сэзонамі году: умерана гарачым і вільготным летам і ўмерана халоднай зімой з устойлівым сьнежным покрывам. Сярэдняя тэмпэратура ліпеня складае +18 °C, студзеня -9 °C. Цёплы пэрыяд з станоўчай сярэднясутачнай тэмпэратурай доўжыцца 215—220 дзён.
Гідраграфія
[рэдагаваць | рэдагаваць крыніцу]У вобласьці працякае 2 043 ракі агульнай працягласьцю 11 670 км. Зь іх 280 рэк маюць даўжыню больш за 10 км, агульнай працягласьцю 7 455 км, а рэкаў і вельмі малых вадацёкаў даўжынёй менш за 10 км на тэрыторыі вобласьці налічваецца 1 763.
Насельніцтва
[рэдагаваць | рэдагаваць крыніцу]Паводле вынікаў перапісу насельніцтва 2010 году колькасць насельніцтва складае 1 011 608 чалавек.
Найбольшай нацыянальнай групай зьяўляюцца расейцы (86,8%). Другой паводле колькасьці групай ёсьць украінцы (1,7%), трэцяй — армяне (1,0%). Беларусы маюцца ў вобласьці ў колькасьці 4 557 чалавек, зьяўляючыся чацьвёртай паводле колькасьці нацыянальнай групай у рэгіёне.
Эканоміка
[рэдагаваць | рэдагаваць крыніцу]Структура эканомікі ў цэлым характэрная для цэнтральнага раёну. У прамысловасьці фармуецца каля 36% ВРП (2008), зь іх 32,1% у апрацоўчай вытворчасьці (перш за ўсё машынабудаваньні й харчовая прамысловасьць), 3,2% — у энэргетыцы. У аграпрамысловым комплексе ствараецца 8,2% ВРП (2008), у будаўніцтве — 10,6%.
Прамысловасьць
[рэдагаваць | рэдагаваць крыніцу]Вядучае месца ў структуры гаспадарчага комплексу Калускай вобласьці займае прамысловая вытворчасьць. Паводле вынікаў 2010 году рэгіён займае першае месца ў Расеі паводле індэксу прамысловай вытворчасьці, які склаў 144,7%. Калуская вобласьць зьяўляецца яскравым прыкладам прамысловага рэгіёну з дамінуючым становішчам апрацоўчай вытворчасьці. Найбольшую долю ў аб’ёме прамысловай вытворчасьці займаюць машынабудаваньне й мэталаапрацоўка (67%), харчовая прамысловасьць (14%), лесапрамысловы комплекс (4,5%), энэргетыка (4,5%).
Сельская гаспадарка
[рэдагаваць | рэдагаваць крыніцу]На долю аграпрамысловага комплексу прыходзіцца да 12% ВРП (2010). У сельскай і лясной гаспадарцы занята 11% працоўнага насельніцтва.
Крыніцы
[рэдагаваць | рэдагаваць крыніцу]Вонкавыя спасылкі
[рэдагаваць | рэдагаваць крыніцу] Калуская вобласьць — сховішча мультымэдыйных матэрыялаў
- Сайт адміністрацыі Калускай вобласьці
- Заканадаўства Калускай вобласьці
- Герб і сьцяг Калускай вобласьці
- Курская вобласьць у даведніку-каталёгу Ўся Расея
- Помнікі архітэктуры вобласьці
|