Дэнацыфікацыя
![](http://upload.wikimedia.org/wikipedia/commons/thumb/a/ad/Germany_Under_Allied_Occupation_1945_BU7358.jpg/220px-Germany_Under_Allied_Occupation_1945_BU7358.jpg)
Дэнацыфіка́цыя (па-нямецку: Entnazifizierung) — комплекс захадаў хаўрусьнікаў пасьля Другой сусьветнай вайны па пазбаўленьні аўстрыйскага і нямецкага грамадзтва, культуры, прэсы, эканомікі, судоў і палітыкі ад нацысцкай ідэалёгіі. З гэтай мэтай сяброў НСДАП і СС адхілялі ад пасадаў і ўплыву, а зьвязаныя з нацыстамі арганізацыі распускалі. Праграма дэнацыфікацыі пачалася пасьля ўхвалы на Патсдамскай канфэрэнцыі ў жніўні 1945 року.
![](http://upload.wikimedia.org/wikipedia/commons/thumb/4/45/Schlu%C3%9Fstrich_drunter_-_FDP_election_campaign_poster%2C_Germany_1949.jpg/220px-Schlu%C3%9Fstrich_drunter_-_FDP_election_campaign_poster%2C_Germany_1949.jpg)
У канцы 1945 — пачатку 1946 з пачаткам Халоднай вайны і разуменьнем эканамічнай значнасьці Нямеччыны Злучаныя Штаты Амэрыкі страцілі зацікаўленасьць у працягу дэнацыфікацыі, падобна як раней учынілі да акупаванай Японіі. У 1946 року Вялікабрытанія і ЗША перадалі правы на дэнацыфікацыю нямецкаму ўраду, Францыя праводзіла сваю палітыку лагодна. У рэшце рэшт палітыка афіцыйна была спыненая ў 1951 року. Да таго ж у Заходняй Нямеччыне гэтая палітыка ня мела падтрымкі сярод нацыстаў, якія заставаліся ва ўладзе, і нават сярод новага ўраду Конрада Адэнаўэра[1]. А вось ва Ўсходняй Нямеччыне дэнацыфікацыя лічылася крытычна важнай для пераходу да сацыялістычнага грамадзтва. Тым ня меней, ня ўсе колішнія нацысты атрымалі суворыя прысуды; некаторыя пазьбеглі пакараньня, выканаўшы спэцыяльныя задачы ўраду[2][3].
Крыніцы
[рэдагаваць | рэдагаваць крыніцу]- ^ Goda, Norman J. W. Tales from Spandau: Nazi Criminals and the Cold War. — Cambridge: Cambridge University Press, 2007. — С. 101–149. — ISBN 978-0-521-86720-7
- ^ Benz, Wolfgang Demokratisierung durch Entnazifizierung und Erziehung. — bpb, 2005. — С. 7.
- ^ Sperk, Alexander Entnazifizierung und Personalpolitik in der sowjetischen Besatzungszone Köthen/Anhalt. Eine Vergleichsstudie (1945–1948).. — Dößel: 2003. — ISBN 3-89923-027-2