Блізкі Ўсход
![](http://upload.wikimedia.org/wikipedia/commons/thumb/d/df/Map-World-Middle-East.png/400px-Map-World-Middle-East.png)
![](http://upload.wikimedia.org/wikipedia/commons/thumb/1/13/Middle_east.jpg/300px-Middle_east.jpg)
Блі́зкі Ўсход (па-арабску: الشرق الأوسط, па-габрэйску: המזרח התיכון) — назва, якая выкарыстоўваецца для абазначэньня геаграфічнага абшару на стыку трох кантынэнтаў: Эўропы, Азіі і Афрыкі. Часам для абазначэньня прыблізна таго ж рэгіёну вызначаецца назва «Сярэдні Ўсход». Так гучыць назва рэгіёну па-арабску — الشرق الأوسط, пэрсыдзку — «khovar-e miyane», ангельску «Middle East», нямецку «Mittlerer Osten».
Геаграфія
[рэдагаваць | рэдагаваць крыніцу]Блізкі Ўсход уключае краіны паўднёва-заходняй Азіі і паўночна-ўсходняй Афрыкі. Краіны, якія складаюць Блізкі Ўсход:
Аман
Бахрэйн
Емэн
Аб’яднаныя Арабскія Эміраты
Ізраіль (з Палестынскай аўтаноміяй)
Ірак
Іран
Катар
Кувэйт
Лібан
Саудаўская Арабія
Сырыя
Турэччына
Эгіпет
Ярданія
Плошча складае каля 9,7 млн км² з насельніцтвам больш за 300 млн чалавек (1995).
Гісторыя
[рэдагаваць | рэдагаваць крыніцу]Гэты рэгіён — калыска вялікіх старажытных цывілізацыяў (Мэсапатамія, старажытны Эгіпет, Іран), і трох сусьветных рэлігіяў (юдаізм, хрысьціянства, іслам). Доўгі час Блізкі Ўсход быў цэнтрам старажытнага сьвету.
Культурны падзел
[рэдагаваць | рэдагаваць крыніцу]Большую частку насельніцтва Блізкага Ўсходу складае арабскамоўная супольнасьць, а большасьць яго насельнікаў складаюць мусульмане. Апрача арабскага сьвету да рэгіёну належыць неарабскія Турэччына і Іран.
Гэты рэгіён быў і працягвае быць палітычна нестабільным. Да войнаў, якія адбыліся ў рэгіёне, можна аднесьці: араба-ізраільскія войны, ірана-ірацкая вайна і войны ў Пэрсыдзкай затоцы.
Гаспадарка
[рэдагаваць | рэдагаваць крыніцу]Блізкі Ўсход — гэта вельмі важны рэгіён для сусьветнай эканомікі, тут канцэнтруецца значнай частка сусьветнай здабычы нафты. Таксама тут перакрыжоўваюцца важныя міжнародныя лініі камунікацыі (лётныя і марскія (Суэцкі канал)).
Астатняя інфармацыя
[рэдагаваць | рэдагаваць крыніцу]Абазначэньні Блізкі, Сярэдні і Далёкі Ўсход гэта тыповыя прыклады этнацэнтрычных назваў, а ў гэтым выпадку эўропацэнтрычных, ці кропка гледжаньня эўрапейцаў на ўсходнія цывілізацыі.
Вонкавыя спасылкі
[рэдагаваць | рэдагаваць крыніцу] Блізкі Ўсход — сховішча мультымэдыйных матэрыялаў