Баварыя Мюнхэн

Баварыя
Поўная назва	Fußball-Club Bayern München e. V.
Заснаваны	27 лютага 1900
Горад	Мюнхэн, Нямеччына
Стадыён	Альянц Арэна Умяшчальнасьць: 71 137
Прэзыдэнт	Ян-Крыстыян Дрээзэн[d]
Галоўны трэнэр	Вэнсан Кампані
Чэмпіянат	Бундэсьліга
· 2023—2024	3 месца
Хатнія колеры Выязныя колеры Трэція колеры
Галерэя здымкаў у Вікісховішчы fcbayern.com (ням.)​ (анг.)​ (гішп.)​ (кіт.)​ (яп.)​ (рас.)​ (ар.) fcbayern.cn

«Баварыя Мюнхэн» (па-нямецку: Fußball-Club Bayern München) ― нямецкі спартовы клюб, што базуецца ў Мюнхэне (Баварыя). Больш за ўсё вядомы футбольны клюб спартовай сыстэмы «Баварыя», клюб зьяўляецца рэкардсмэнам па колькасьці айчынных тытулаў: 33-разовы чэмпіён Нямеччыны й 20-разовы ўладальнік кубка краіны.

Гісторыя

Клюб быў заснаваны ў 1900 годзе адзінаццацю гульцамі па ініцыятыве Франца Джона. Нягледзячы на тое, што ў 1932 годзе стаў чэмпіёнам Нямеччыны, да 1963 году каманда выступала ў ніжэйшых лігах. На пачатку й у сярэдзіне 70-х гадоў клюб дабіўся посьпехаў, тройчы запар перамагаючы ў нацыянальным чэмпіянаце (1972, 1973, 1974) і столькі ж разоў у Лізе чэмпіёнаў (1974, 1975, 1976). Капітанам каманды тады быў Франц Бэкенбаўэр.

З 2006 году хатнія гульні праводзіць на «Альянц Арэне». Да гэтага 33 сэзоны запар клюб праводзіў гульні на Алімпійскім стадыёне.

Акрамя футбольнага клюбу «Баварыя» таксама існуюць клюбы па шахматах, гандболе, баскетболе, гімнастыцы, боўлінгу, пінг-понгу.

Дасягненьні

• Чэмпіён Нямеччыны (33):
  • 1932, 1969, 1972, 1973, 1974, 1980, 1981, 1985, 1986, 1987,
  • 1989, 1990, 1994, 1997, 1999, 2000, 2001, 2003, 2005, 2006,
  • 2008, 2010, 2013, 2014, 2015, 2016, 2017, 2018, 2019, 2020,
  • 2021, 2022, 2023

• Уладальнікі Кубка Нямеччыны (20):
  • 1957, 1966, 1967, 1969, 1971, 1982, 1984, 1986, 1998, 2000,
  • 2003, 2005, 2006, 2008, 2010, 2013, 2014, 2016, 2019, 2020

• Уладальнікі Супэркубка Нямеччыны (10):
  • 1987, 1990, 2010, 2012, 2016, 2017, 2018, 2020, 2021, 2022

• Пераможцы Лігі чэмпіёнаў (6):
  • 1974, 1975, 1976, 2001, 2013, 2020

• Уладальнікі Кубка ўладальнікаў кубкаў (1):
  • 1967

• Уладальнікі Кубка УЭФА (1):
  • 1996

• Уладальнікі Супэркубка УЭФА (2):
  • 2013, 2020

• Уладальнікі Міжэкантынэнтальнага кубка (2):
  • 1976, 2001

Стадыён

Да 1925 году «Баварыя» гуляла на адным з самых старых футбольных збудаваньняў Нямеччыны, так званай першай трыбуны гораду. З 1925 году «Баварыя» падзяліла муніцыпальны стадыён з клюбам «1860 Мюнхэн». Стадыён у народзе называўся як «Шосты» (па-нямецку: «Sechzger»). Ён быў амаль цалкам разбураны падчас Другой сусьветнай вайны, на рэканструкцыю было выдаткавана нямала высілкаў, але ўсё ж стадыён быў уведзены ў прызначаны тэрмін і ўмяшчаў 44 тысячы чалавек.

Да Летніх Алімпійскіх гульняў 1972 году ў Мюнхэне быў пабудаваны Алімпійскі стадыён. У тым жа годзе «Баварыя» пераехала на Алімпійскі стадыён. Трыбуны стадыёну й частка тэрыторыі алімпійскага парку былі пакрытыя гіганцкімі вісячымі перакрыцьцямі-абалонкамі архітэктара Фрая Ота. Стадыён дагэтуль уражвае архітэктурнай лёгкасьцю. Першапачаткова ўмяшчальнасьць стадыёна дасягала 79 тысячаў чалавек. У наступныя гады стадыён выпрабаваў некалькі мадыфікацыяў. Цяпер стадыён мае здольнасьць зьмяшчаць у сябе 69 тысячаў заўзятараў для нацыянальных спаборніцтваў, і 59 тысячаў гледачоў для міжнародных спаборніцтваў, розных эўрапейскіх кубкаў. У канцы 1990-х стадыён састарэў у пляне інфраструктуры й выгоды для гледачоў.

У 2002 годзе сумесна з «1860 Мюнхэн» быў пабудаваны новы дасканалы стадыён «Альянц Арэна», на якой усе свае матчы праводзіць «Баварыя». Арэна падсьвятляецца рознымі колерамі ў залежнасьці ад колеру клюбу, які на ёй гуляе. Арэна падсьвечваецца чырвоным, калі на ёй выступае «Баварыя»; блакітным — калі гуляе «1860 Мюнхэн»; белым — калі гуляе зборная Нямеччыны.

Склад

Актуальны на 12 верасьня 2024 году

№ Пазыцыя Імя Год нараджэньня 1 Бр Мануэль Ноер (капітан) 1986 2 Аб Даё Юпамэкано 1998 3 Аб Кім Мін-Джэ 1996 6 ПА Ёзуа Кіміх 1995 7 Нап Сэрж Гнабры 1995 8 ПА Леан Гарэцка 1995 9 Нап Гары Кейн 1993 10 Нап Лерой Санэ 1996 11 Нап Кінгсьлі Каман 1996 15 Аб Эрык Даер 1994 16 ПА Жуан Пальіньня 1995 17 Нап Майкл Аліс 2001 18 Бр Даніел Пэрэц 2000 19 Аб Альфонса Дэйвіс 2000

№ Пазыцыя Імя Год нараджэньня 20 Нап Арыён Ібрагімавіч 2005 21 Аб Хірокі Іта 1999 22 Аб Рафаэл Герэйру 1993 23 Аб Саша Бой 2000 25 Нап Томас Мюлер 1989 26 Бр Свэн Ульрайх 1988 27 ПА Конрад Ляймэр 1997 28 Аб Тарэк Бухман 2005 31 Нап Нэстары Іранкунда 2006 39 Нап Матыс Тэль 2005 42 ПА Джамал Мусіяля 2003 44 Аб Ёсіп Станішыч 2000 45 ПА Аляксандар Паўлавіч 2004 48 Аб Адам Азну 2006

Вонкавыя спасылкі

• Афіцыйны сайт клюбу (анг.)