Ёзуа Кіміх
Ёзуа Кіміх | ||
![]() | ||
Пэрсанальная інфармацыя | ||
---|---|---|
Нарадзіўся | 8 лютага 1995[1] (29 гадоў) | |
Рост | 177 см[2] | |
Вага | 75 кг[2] | |
Пазыцыя | паўабаронца, абаронца | |
Клюбная інфармацыя | ||
Клюб | Баварыя | |
Нумар | 6 | |
Клюбы | ||
Гады | Клюб | Гульні (галы)¹ |
2013—2015 2015 2015— |
РБ Ляйпцыг Штутгарт Баварыя |
53 (3) 0 (0) 262 (26) |
Зборныя | ||
2016— | Нямеччына | 84 (6) |
¹ Колькасьць гульняў і галоў за прафэсійны клюб лічыцца толькі |
Ёзуа Ва́льтэр Кі́міх (па-нямецку: Joshua Walter Kimmich; нарадзіўся 8 лютага 1995 году) — нямецкі футбаліст, абаронца мюнхэнскай «Баварыі» і нацыянальнай зборнай Нямеччыны. Шырока вядомы праз сваю ўнівэрсальнасьць, добрыя перадачы і стрэлы па браме, накіраванасьць на барацьбу і спартовую агрэсію[3][4][5]. Яго часта параўноўваюць з былым капітанам мюнхэнскай «Баварыі» Філіпам Лямам, пераемнікам якога гулец час ад часу лічыцца[6][7].
Кар’ера
[рэдагаваць | рэдагаваць крыніцу]Кіміх ёсьць выхаванцам моладзевай акадэміі «Штутгарту». У ліпені 2013 году гулец перайшоў у табар «РБ Ляйпцыгу», склаўшы ўгоду на 2 гады. На той час ляйпцыскі клюб значыўся ў трэцім нямецкім дывізіёне, у рамках якога ён дэбютаваў 28 верасьня таго ж году, выйшаўшы на зьмену ў матчы супраць «Унтэргахінгу» (2:2). Свой першы гол малады футбаліст забіў праз два месяцы 30 лістапада, улучыўшы мяч у браму «Заарбрукену» і дапамогшы клюбу выгуляць супернікаў зь лікам 3:2[8]. Сэзон Кіміх скончыў трывалым гульцом асноўнага складу, а клюб прасунуўся ў Бундэсьлігу 2[9]. Наступны сэзон склаўся дзеля гульца ня менш блага, чымсьці папярэдні, бо спартовец згуляў 29 матчаў за клюб, які, аднак, фінішаваў у некалькіх кроках ад падвышэньня.
Выдатная гульня маладога таленту была запрыкмечаная кіраўнікамі «Баварыі», якая склала з гульцом пагадненьне на пачатку 2015 году. Паводле ўмоваў баварскі клюб выдаткаваў 7 млн эўра за набыцьцё паўабаронцы, але амаль усе грошы атрымаў «Штутгарт», як клюб, які выхаваў спартоўца[10]. Дэбют Кіміха адбыўся 9 жніўня ў матчы першага раўнду Кубка Нямеччыны супраць «Нётынгена». Толькі празь месяц тагачасны трэнэр мюнхэнцаў Пэп Гвардыёля даў магчымасьць гульцю дэбютаваць у матчы Бундэсьлігі, то бок Кіміх зьявіўся на полі ў канчатку сустрэчы з «Аўгсбургам»[11]. Праз чатыры дні Кіміх дэбютаваў у гасьцявым матчы Лігі чэмпіёнаў супраць «Алімпіякоса», і праз тры дні ён упершыню выйшаў у старце ў Бундэсьлізе, згуляўшы 90 хвілінаў матчу супраць «Дармштату-98» (3:0)[12][13]. У выніку па сканчэньні сэзону гулец зьявіўся на полі ў 23 сустрэчах. У наступным гульнявы час футбаліста толькі павялічыўся і ён стаў трывалым гульцом асноўнага складу «Баварыі».
Дасягненьні
[рэдагаваць | рэдагаваць крыніцу]«Баварыя»:
- Чэмпіён Нямеччыны: 2016, 2017, 2018, 2019, 2020, 2021, 2022, 2023
- Уладальнік Кубка Нямеччыны: 2016, 2019, 2020
- Уладальнік Супэркубка Нямеччыны: 2016, 2017, 2018, 2020, 2021, 2022
- Пераможца Лігі чэмпіёнаў: 2020
- Уладальнік Супэркубка УЭФА: 2020
- Пераможца клюбнага чэмпіянату сьвету: 2020
Крыніцы
[рэдагаваць | рэдагаваць крыніцу]- ^ а б в Joshua Kimmich // Transfermarkt (мн.) — 2000.
- ^ а б в г https://fcbayern.com/us/teams/professionals/joshua-kimmich
- ^ «Sport Match — Xavi praises Kimmich: „The perfect player for FC Barcelona!“». Sportmatch.
- ^ «„Phenomenal!“ - Mourinho showered Bayern star Kimmich with praise». LigaLIVE.
- ^ «Guardiola full of praise for „serious player“ Kimmich». Bundesliga.
- ^ «Bayern Munich legend Paul Breitner on Joshua Kimmich as the next Philipp Lahm, Thomas Müller and Thiago Alacantara». Bundesliga.
- ^ «How Bayern's Joshua Kimmich became the new Philipp Lahm». The Guardian.
- ^ «1. FC Saarbrücken — RB Leipzig». MDR.
- ^ «Joshua Kimmich». Kicker.
- ^ «FC Bayern verpflichtet Joshua Kimmich». Süddeutsche Zeitung.
- ^ «Douglas Costa anchors Bayern's comeback win over Augsburg». ESPN.
- ^ «Müller double helps Bayern prevail at Olympiacos». UEFA.
- ^ «Pep Guardiola 'very pleased' with Bayern's win over Darmstadt». ESPN.
Вонкавыя спасылкі
[рэдагаваць | рэдагаваць крыніцу]- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball
Баварыя Мюнхэн — цяперашні склад
|
---|
1 Ноер · 2 Юпамэкано · 3 Кім · 4 Ліхт · 6 Кіміх · 7 Гнабры · 8 Гарэцка · 9 Кейн · 10 Санэ · 11 Каман · 13 Шупо-Матынг · 15 Даер · 17 Сарагоса · 18 Пэрэц · 19 Дэйвіс · 20 Сар · 22 Герэйру · 23 Бой · 25 Мюлер · 26 Ульрайх · 27 Ляймэр · 28 Бухман · 39 Тэль · 40 Мазраўі · 42 Мусіяля · 43 Гюльсман · 45 Паўлавіч · Трэнэр: Тухэль |