Кызыларда

Кызыларда (па-казаску: Қызылорда) — горад у Казахстане, адміністрацыйны цэнтар Кызылардзінскай вобласьці. Горад заснаваны какандзкімі ўзбэкамі ў 1820 годзе як крэпасьць Какандзкага ханства. Разьмешчаны на правым беразе Сырдар’і, за 830 км да паўднёвага захаду ад Астаны. У горадзе маецца чыгуначная станцыя й аэрапорт.

Кызыларда
каз. Қызылорда
Герб Кызыларды
Дата заснаваньня:	1820
Краіна:	Казахстан
Вобласьць:	Кызылардзінская
Плошча:	240 км²
Вышыня:	128 м н. у. м.
Насельніцтва (2012)
колькасьць:	231 337 чал.
шчыльнасьць:	963,9 чал./км²
Тэлефонны код:	+7 7242
Паштовы індэкс:	120000
Геаграфічныя каардынаты:	44°50′52.44″ пн. ш. 65°29′59.60″ у. д.
Кызыларда на мапе Казахстану Кызыларда
Галерэя здымкаў у Вікісховішчы
https://kyzylorda.gov.kz/

У 1925—1929 гадох горад быў сталіцай Казаскай АССР у складзе РСФСР.

Гісторыя

Крэпасьць Ак-Мячэт была закладзена Амар-ханам, кіраўніком Какандзкага ханства ў 1820 годзе, як паўночна-заходні фарпост ханства.

28 ліпеня 1853 году крэпасьць, які абаранялі какандцы на чале зь Якуб-бэкам, была штурмам узятая расейскімі войскамі пад камандаваньнем генэрала Васіля Пяроўскага і пераназваная ў форт Пяроўскі. У сьнежні таго ж году гарнізон крэпасьці пад кіраўніцтвам камэнданта Міхаіла Агарова з посьпехам вытрымаў аблогу какандзкага войска.

Насельніцтва

Большую частку насельніцтва гораду складаюць казахі (90%), у той час як сярод нацыянальных меншасьцяў лідэрства маюць расейцы (5%) і карэйцы (3%).

Адукацыя

• Кызылардынскі дзяржаўны ўнівэрсытэт імя Каркыт Ата
• Агратэхнічны каледж
• Мэдычны каледж
• Пэдагагічны каледж

Гарады-сябры

• Арвада, Каларада, ЗША
• Бурса, Турэччына

Вонкавыя спасылкі

• Афіцыйны сайт гораду
• Гісторыя Кызыларды