Subong
![](http://upload.wikimedia.org/wikipedia/commons/thumb/0/05/Barter-Chickens_for_Subscription.jpg/250px-Barter-Chickens_for_Subscription.jpg)
An subong[1][2] (Ingles: barter) iyo an sistema nin barakalan na kun saen an mga partisipante sa transaksyon nagriribayan sulbod-siko nin mga merkansya o serbisyo na dai nagamit nin kwarta. An pagribayan daing abala sa oras asin parati duwa an imbwelto sa transaksyon; totoo pwede man magkapira an kabarali sa riribayan. An mga imbwelto sa siring na transaksyon parati huli ta an kwarta daing katoltolan sa halaga asin dai masasarigan sa tamang halaga (hyperinflation) o mayo sa kamot an kwartang pwedeng gamiton sa transaksyon.
Mga kinakamidbiran sa pagsubong
[baguhon | baguhon an source]Parati an mga minasunod na kinamimidbiran imbwelto sa transaksyon nin pagsubong:
May pagkakagusto an partisipante sa mga bagay na magkaiba man.
- Parati an duwang partido naribayan nin merkansya o serbisyo para sa serbisyo o merkansya na iba man na klase sa saiyang merkansya o serbisyo na boot iribay.
An mga partisipante sa transaksyon nin pagsubong magkapantay asin pareho libre.
- Ni saro sainda may bentahe asin anoman na oras pwedeng libre na maghale o bayaan an transaksyon na dai madagos.
An transaksyon nangyayari durunganan o sabi kaiyan, sulbod-siko.
- An mga merkansya normalmente isinusubong sa eksaktong oras nin pagsarabatan. Kun mga serbisyo an pig'urulayan, pwede suway sa oras mahahaman an transaksyon.
An transaksyon pwedeng paghirahon.
- An subong na transaksyon "nahihiro an merkansya o serbisyo sa pag'ultan nin manlaen-laen na halaga", oras ini magsangleng kamot. [3]
Mayo ini nin pagkamibiran na pihong halaga.
- Mayo man nin tunay na paagi na matantya o magingin an halaga sa lambang lado kan transaksyon. Mayo nin tunay na tawadan bako sa halaga kan obheto o serbisyo ta lambang partido nagugustohan an merkansya o serbisyo kan sa ibong na lado. [3]
Toltolan
[baguhon | baguhon an source]- ↑ subong. Adrados, Jerry Escoto. Daratangan Na Olay. Common Language of the Bikolnon. Other Option Promotions. Tabaco City. 2012. p. 349. ISBN 978-971-95468-0-1
- ↑ subong. Mintz, Malcolm W. Bikol Dictionary. Volume II. Bikol-English Dictionary. Uniprint. Perth, Western Australia. 2004. p. 892 ISBN 0 9580383 5 X
- ↑ 3.0 3.1 Humphrey, Caroline (1992). Barter, Exchange and Value: An Anthropological Approach (in English). Cambridge University Press. pp. 1–10. ISBN 9781316582459.