Salog Tamesis
![](http://upload.wikimedia.org/wikipedia/commons/thumb/5/55/Salog_Tamesis_sa_Inglatierra.jpg/350px-Salog_Tamesis_sa_Inglatierra.jpg)
![](http://upload.wikimedia.org/wikipedia/commons/thumb/6/6e/London_Thames_Sunset_panorama_-_Feb_2008.jpg/350px-London_Thames_Sunset_panorama_-_Feb_2008.jpg)
![](http://upload.wikimedia.org/wikipedia/commons/thumb/4/4e/Thames_map.png/350px-Thames_map.png)
An Salog Tamesis o Salog Thames (sayod:/ˈtɛmz/) sarong salog na nabulos baktas sa Habagatan nin Inglatierra. Ini na an pinakahalaba na salog sa Inglatierra asin ikaduwang pinakahalaba sa bilog na Reyna Unido, sunod sa Salog Severn. Manta' na ini nababantog huli ta nabulos sa pagtangaan kan syudad nin London, ini naagi man sa ibang mga banwaan asin mga syudad, kabali na an Oxford, Reading, Henley-on-Thames asin Windsor. Sa lumang pag'apodan kan salog, an parteng naabot sa Teddington Lock sa sud-solnopan nin London, na iyo an kabtang pailawod kan salog inapod na Tideway, asin man an parte kan salog naagi asin nabaktas sa Oxford, inaapod poon pa kaidto na Isis. May labang 215 milya (346 km), an Salog Tamesis pairaya sa Thames Head sa Gloucestershire asin nabulos pailawod pasiring Dagat Amnayan paagi sa Dakulang London (Greater London). An pagtignarakul kaini nasundo Teddington Lock asin nagoob asin nahubas nin 7 metro (23 pye). Naagi sa pinakang'alang na parte kan kadagaan nin Britanya, asin palibhasa pigkukuan pa nin tubig inomon, sinasabing an pagwa'wa' kan Tamesis hababa maski ngane an salog totoong halawig asin halakbang. An Salog Severn may wa'wa' doble sa Tamesis maski ngane may sadit na patetean. Sa Scotland daa an Tay sobrang doble an pagwa'wa' hale sa patetean na 60% mas sadit.