Drone
![](http://upload.wikimedia.org/wikipedia/commons/thumb/f/f8/Group_photo_of_aerial_demonstrators_at_the_2005_Naval_Unmanned_Aerial_Vehicle_Air_Demo.jpg/250px-Group_photo_of_aerial_demonstrators_at_the_2005_Naval_Unmanned_Aerial_Vehicle_Air_Demo.jpg)
![](http://upload.wikimedia.org/wikipedia/commons/thumb/2/23/Drone_na_alingan.jpg/250px-Drone_na_alingan.jpg)
An mayong-pilotong pang-ayreng behikulo (Ingles: unmanned aerial vehicle), pinakabistado bilang drone, sarong aircraft na dai pigkokontrol nin sarong pilotong nakasakay.[1]
An drone pwedeng may natatakod na kompyuter na naasikaso sa mga hiro kan duros asin kan presyon nin ayre. Minsan ini nakaprograma sa partikular na puntarya. Alagad, mga importanteng desisyon sa paglayog kaini asin sa tuyong gigibohon kaini kinokontrol kan mga operador sa ibaba.
An darakulang drone parati ginagamit kan pwersa militar, halimbawa sa pagbataw o pag'espiya o sa laban na dai kinakaipo an soldados. An iba man kaini nakaprograma na rataon. Totoo, an mga drone ginagamit man kan sibilyan sa pagsigbo nin kalayo, sa pagretrato o sa pagwarak nin mga bagay sa mahiwas na lugar o paghatod nin paninda. An mga drone ginigibo sa iba-ibang sukol: may lakbang kan pakpak na pirang sentimetro sana o naabot man nin 60 metro (200 pye) arog na kan sakayan na eroplano.[2] Kun an ibang desenyo kan drone mayong pinag'iba aa hitsura kan ordinaryong eroplano, an aling-alingan na mga drone may apat na elise sa ekis na estruktura. Alagad, igwa man arog kaining drone na an elise tolo sa triangulong estruktura, pero igwang naabot anom asin walong elise para ngane para duman sa pagtrabahong magagabat. An distansya kan drone na pwedeng ibyahe naabot na 100 na kilometro asin pirang oras na layog. An saradit na drone halawig na an 1 kilometrong layog asin mga 25 minuto sana an tagal sa ayre.
Panluwas na takod
[baguhon | baguhon an source]![]() |
An Wikimedia Commons igwa nin medya dapit sa Mayong-pilotong pang-ayreng behikulo. |
![]() |
An Wikiquote igwa nin mga pagsambit na relatibo sa: Mga drone |
Padagos na pagbasa
[baguhon | baguhon an source]- Garcia-Bernardo, Sheridan Dodds, F. Johnson (2016). "Quantitative patterns in drone wars" (PDF). Science direct. Archived from the original (PDF) on 6 February 2016.
- Hill, J., & Rogers, A. (2014). The rise of the drones: From The Great War to Gaza. Vancouver Island University Arts & Humanities Colloquium Series.
- Rogers, A., & Hill, J. (2014). Unmanned: Drone warfare and global security. Between the Lines. ISBN 9781771131544
- How Intelligent Drones Are Shaping the Future of Warfare, Rolling Stone Magazine