Benjamin Netanyahu
![](http://upload.wikimedia.org/wikipedia/commons/thumb/8/80/Netanyahu_official_portrait.jpg/230px-Netanyahu_official_portrait.jpg)
Si Benjamin "Bibi" Netanyahu (Hebreo: בִּנְיָמִין "בִּיבִּי" נְתַנְיָהוּ Binyamin Netanyahu; namundag Oktobre 21, 1949, sa moracoch, Israel) iyo an presenteng Primer Ministro kan Israel. Siya nagsisirbe man alabes Chairman kan Partido Likud, asin bilang kaapil sa Knesset, siya an Ministro sa Salud kan Israel, Ministro sa Pensioner Affairs, asin Ministro man sa Economic Strategy kan nasyon na ini.
Si Netanyahu iyo an kaenot-enoteng primer ministro kan Israel na ipinangaki sa laog kan nasyon na ini pakatogdas kaini bilang sarong estado. Siya nagbali sa Pwersang Pandepensa kan Israel kan 1967 kun saen siya nagsirbe komo komandante sa Sayeret Matkal Commando Unit, na an misyon iyo an magligtas sa mga nahohostage arog kan pagsakyada kaini duman sa nahijack na eroplanong Sabena (Flight 571) kan taon 1972. Nadamay man siya sa ralaban kan Gerang Yum Kippur kan 1973 asin nakamit niya an ranggong kapitan bago natapos an saiyang serbisyo igdi. Siya natokahan bilang embahador sa United Nations poon 1984 abot 1988, nagin miembro kan Partido Likud, asin Primer Ministro poon Hunyo 1996 hanggan Hulyo 1999. Si Netanyahu nagin man Ministrong Panluwas (2002-2003) asin MInistro sa Pinansya (2003-Agosto 2005) sa gobyerno ni Ariel Sharon alagad nagdemitir huli sa dai pagka'oroyon sa Planong Pag'atras sa Gaza. Kinaputan niya an liderato giraray kan Partido Likud kan Desyembre 20, 2005.[1]. Kan eleksyon 2006, an Likud maluya an laban mala ta 12 sanang tukawan an ginana.[2]. Kan Desyembre 2006, si Netanyahu nagin opisyal na Lider kan Oposisyon sa Knesset asin Pamayo kan Partido Likud. Kan Agosto 2007, naretenir niya an liderato sa Partidong ini kan madaog niya sa eleksyon sa laog kan partido si Moshe Feiglish. Pakatapos kan eleksyon sa Parlamento, kun saen siya nag'ikaduwa, si Netanyahu nagbilog nin sarong koalisyon na gobyerno..[3][4] Siya an tugang kan si komandante kan Israeli Special Forces na si Yonathan Netanyahu na nagadan sa sarong hostage rescue mission; tugang pa man siya ni Iddo Netanyahu, parasurat asin dramatista.
Kan 2010, an magasin na Briton, "New Statesman", piglista siya bilang ika-11 sa "An 50 Pinakamaimpluensyang mga Tawo sa Kinaban".[5]
Mga libro
[baguhon | baguhon an source]- A Durable Peace: Israel and Its Place Among the Nations (Warner Books, 2000) ISBN 0-446-52306-2
- Fighting Terrorism: How Democracies Can Defeat Domestic And International Terrorism (Diane Pub Co, 1995) ISBN 0-7881-5514-8
- A Place Among the Nations (Bantam, 1993) ISBN 0-553-08974-9
- Terrorism: How the West Can Win (Farrar Straus & Giroux, 1986) ISBN 0-374-27342-1
Artikulo
[baguhon | baguhon an source]Mga panluwas na takod
[baguhon | baguhon an source]- Prime Minister - Curriculum Vitae; Prime Minister office (Ingles)
- netanyahu.org, official political website, Plantilya:He icon, (Ingles), (Russian)
- The 32nd Government, official Knesset website;Profiles
- Official You-Tube Channel of Israeli Prime Minister
- Biography of Benjamin Netanyahu at Zionism and Israel Information Center Biography Section
- Benjamin Netanyahu Profile on Israeli Lexicon (Ynetnews)
Toltolan
[baguhon | baguhon an source]- ↑ http://news.xinhuanet.com/english/2005-12/20/content_3944753.htm
- ↑ http://www.ynetnews.com/articles/0,7340,L-3233422,00.html
- ↑ "Netanyahu sworn in as Israel's prime minister". Haaretz. 2009-04-01. Archived from the original on 2010-01-02. https://web.archive.org/web/20100102083155/http://haaretz.com/hasen/spages/1075341.html. Retrieved on 2009-08-11.
- ↑ Heller, Jeffrey (2009-04-01). "Netanyahu sworn in as Israeli prime minister". Reuters. http://www.reuters.com/article/newsMaps/idUSTRE52U4VH20090331. Retrieved on 2009-08-11.
- ↑ "11. Binyamin Netanyahu - 50 People Who Matter 2010". New Statesman. Retrieved 22 October 2010.