Oseania
![](http://upload.wikimedia.org/wikipedia/commons/thumb/8/8e/Oceania_%28orthographic_projection%29.svg/220px-Oceania_%28orthographic_projection%29.svg.png)
Oseania i ma sada luat geografis na tardiri sian Australasia, Melanesia, Mikronesia dohot Polinesia. Tarbolak sian bagian purba dohot pastima ni banua tonga, Oseania marnampunahon 8,525,989 kilometer persegi (3,291,903 mil persegi) do bidangna jala lobi sian 47 juta jolma na tading di si.
Oseania marnapunahon ragam ni ekonomi di ganup nagara na adong di si. I ma sian na maju do ekonomina songon Australia dohot Selandia Baru, na hurang maju do ekonomina songon Kiribati dohot Tuvalu, jala na marnehetnehet songon Palau, Fiji dohot Tonga. Australia do nagara na umbalga jala na gumodang do jolmana di Oseania, dohot Sydney na gabe kota na umbalga jala na gumodang do jolmana di Oseania do pe di Australia.
Luat ni Oseania
[patota | patota mualna]![](http://upload.wikimedia.org/wikipedia/commons/thumb/5/54/Oceania_UN_Geoscheme_Regions.svg/220px-Oceania_UN_Geoscheme_Regions.svg.png)
Mikronesia, na maringanan di utara garis ekuator nang di pastima ni Garis Waktu Antarabangso, tarmasuk pe Hapuloan Mariana di manabia, Hapuloan Karolina di tongatonga ni Mikronesia, Hapuloan Marshall di pastima dohot pulo-pulo ni Kiribati di anggoni.
Melanesia, na maringanan di nariti, tarmasuk pe Pulo Papua na gabe pulo paduahon na umbalga di portibi on. Pulo na asing di Melanesia na tarbolak sian utara tu dangsina i ma Hapuloan Bismarck, Hapuloan Solomon (Arsipelago), Hapuloan Santa Cruz, Vanuatu, Fiji dohot Kaledonia Baru.
Polinesia, na tarbolak sian Hawaii di utara tu Selandia Baru di dangsina, luat nian na tardiri sian Tuvalu, Tokelau, Samoa, Tonga dohot Hapuloan Kermadec di pastima, Hapuloan Cook, Hapuloan Masarakat, Hapuloan Austral di tongatonga ni Polinesia jala Hapuloan Marquesas, Tuamotu, Hapuloan Mangareva dohot Pulo Paska di purba.
Anggo Australasia i ma tardiri sian Australia dohot Selandia Baru.