Reinkarnacėjė
![](http://upload.wikimedia.org/wikipedia/commons/thumb/f/f3/Reincarnation_AS.jpg/220px-Reincarnation_AS.jpg)
Reinkarnacėjė aba metempsikuozė īr dūšės persėkūnėjėms pu bioluogėnės smertėis. Ton dalīkou žmuonis vierėj darmėnies vieruos - budėstā, džainā, indoėstā, bo tas īr diel karmas. Vierėjėms reinkarnacėjė īr būdėngs kap katruoms senuoms (egėptėitiu), tradėcėnėms (Pėitų Afrėkas) vieruoms, naujėsėms religėniams kostiejėmams. Reinkarnacėjės elementu gal pastebietė orfėzmė, gnosticėzmė, teosuofėjuo.
Lietoviu ė žemaitiu tautuosakuo (dainies, rauduos, sakmies) tēpuogė īr ėšsėlaikė vierėjėma reinkarnacėjė elementu. Tonkiausē īr mėnėms dūšės periejėms i augalus ė gīvius. Dūšės periejėms i medi tonkiausē nie sosėjės so atpėldo vuo kaltė. Ale periejėms i gīvius tonkiausē skaituoms ož bausmė, bo anās pavėrst skūpė, tėi, katrėi kėtus žmuonis skriaud ė kėtė. I paukštius perēn tragėška lėkėma, nelaimingu žmuoniū dūšės.