Schlogzeig
Der Artikl is im Dialekt Weanarisch gschriem worn. |
Schlogzeig | |
---|---|
engl.: drum set, italienisch: batteria, franzesisch: batterie | |
Klassifikation | Membranophon (Drommen) Idiophon (Becken, Cowbell) Schloginstrument |
Klangbeispui | Rockbeat auf am Schlogzeig |
Vawandte Inschtrumente | Elektronisches Schlogzeig, Listn vo de Schloginstrument, Perkussion |
Musika | |
Listn vo Schlogzeiga, Kategorie:Schlagzeuger |
A Schlogzeig (aa: Drums, vo engl. drum kit/drum set) is a Kombination vo vaschiedane Schloginstrument.
Je noch Musikstüü und Musika kaun a Schlogzeig gaunz untaschiedlich aufbaut wern, es gibt oba an Standard, der an eascht amoi aufs Aug druckt wiad, waun ma des Instrument in ana Schui odar an Konservatorium leant. Neman akustischn Schlogzeig (oisa Drommen mid an Föö, wos heit oba normal aus an Plastik is) gibz aar a elektronischs Zeigl. Schlogzeignotn wern innahoib vo da gängign Notnschrift notiat, da gibz fia bestimmte Drommen immar a bestimmte Tonhechn. Und fia olle Oatn vo Tschinöön, oisa a fia de Hi-Hat, mocht ma stott an Notnkopf an "x".
Schloginstrumentarium
[Werkeln | Am Gwëntext werkeln]![](http://upload.wikimedia.org/wikipedia/commons/thumb/0/0d/Drum_set.svg/220px-Drum_set.svg.png)
1. Crashbeckn
2. Floortom (Staund-Tom-Tom)
3. Tom Tom (Hänge-Tom-Tom)
4. Kick-Drum (Große Dromme)
5. Snare-Drum (Klaane Dromme)
6. Hi-Hat
De aanzlnan Instrumente vom Schlogzeig-Set ghean entweda zua de Idiophone („Sööbstklinga“) oda zu de Membranophone („Fööklinga“). De Auswoi vo de Instrumente hängt vom musikalischn Kontext o, äussa vo da Stülistik und de Vuastöllungan vom Zeigla (des is a Kuazfuam vo „Schlogzeiga“).
De große Trumml hod a Fuaßpedäu mid an Schlegl auffegschrauft, de wiad min Fuaß tredn. Es gibt owaraa Zeigln mid zwaa große Drommen und aa wöche mit aana großn Dromme mid zwaa Pedäu. De klaane Dromme hod auf da Untaseidn meist a poa Stoifedan, damiz mehr scheppad und mea Obatöne kriagt. De Hi-Hat hod zwaa klaane Beckn, di ma mid an Pedäu zammtuschn lossn kau, heizudog wiaz oba hapsächli nua min Steckn gschlong, und min Fuaßpedäu wean de zwaa Beckn entweda mehr offn ghoidn, do rauschz mea und länga, oda zuagmocht, do wiaz daun mear a Tickn.
Literatua
[Werkeln | Am Gwëntext werkeln]- Tom Börner: Stimmen der Trommel. Im Handumdrehen zum guten Sound, Tipps zum Stimmen des Schlagzeugs. Verlag musiktotal, ISBN 3-9809547-9-X
- Geoff Nicholls: The Drum Book. A history of the rock drum kit. Miller Freeman, San Francisco 1997, ISBN 0-87930-476-6
- Peinkofer/Tannigel: Handbuch des Schlagzeugs. 2., rev. u. erg. Aufl., 1981
Im Netz
[Werkeln | Am Gwëntext werkeln]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)