Nancy Pelosi
![](http://upload.wikimedia.org/wikipedia/commons/thumb/a/a5/Official_photo_of_Speaker_Nancy_Pelosi_in_2019.jpg/220px-Official_photo_of_Speaker_Nancy_Pelosi_in_2019.jpg)
De Nancy Patricia D’Alesandro Pelosi (* 26. Meaz 1940 ois Nancy Patricia D’Alesandro z Baltimore, Maryland) is a amerikanische Politikarin vo da Demokratischn Partei. Vo 2007 bis 2011 wor se de Sprecharin vom Representantnhaus vo da USA. Se hod damid de hexte politische Position eihgnumma, de wo je a Politikarin in da amerikanischn Gschicht dalangt hod. Seit 2010 is se de Voasitzande vo da Fraktion vo de Demokratn im Representantnhaus.
Ois Obgeordnete representiad de Pelosi in 12. Kongress-Woibeziak vo Kalifornien, zua dem da Großtei vo San Francisco gheat. Se lebt aa in dera Stod, im Viadl Pacific Heights.
Lem
[Werkeln | Am Gwëntext werkeln]De Pelosi stammt vo ana italo-amerikanischn Famij aus Baltimore. Se wor de Jingste vo 6 Kindln. Ia Muada is in Italien geboan. Ia Voda wor do Buagamoasta und ia Bruada spada aa. Se ho z Baltimore a katholische Deandlschui bsuacht und nacha z Washington, D.C., Politikwissnschoft studiat. Se hod z Baltimore gheirat und is mit iam Mo zeascht af New York zong und spada weida af San Francisco.
Z San Francisco hod sa si vasteakt in da Demokratischn Partei engagiat und affigorwat. Vo 1981 bis 1983 wor se de Voasitzande vo da Demokratischen Partei in Kalifornien. 1987 is se iwa a Nochwoi zum easchtn Moi in an Kongress gwäiht worn. Seitdem is se scho zehnmoi wiedgwäid worn, mid duachschnittle 80% vo de Stimman.
Positiona
[Werkeln | Am Gwëntext werkeln]De Pelosi wor 2010 de entscheidende Kroft fia de Duachsetzung vo Obamacare (Gsunheitsreform). Se wor gegan Irakkriag und setzt si fian Umwejtschutz eih. Obwoi sa si sejm ois katholisch-konservativ eihschätzt, untastitzt se as Recht af Obtreiwung und af Homosexualitet. De Pelosi is aa fia de Legalisiarung vo Marihuana.
Im Netz
[Werkeln | Am Gwëntext werkeln]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Nancy Pelosi im Biographical Directory of the United States Congress (englisch)
- Official website