پوْرتال:قاراباغ/سئچیلمیش مقاله
![](http://upload.wikimedia.org/wikipedia/commons/thumb/9/99/Nagorno-Karabakh_war_map_%282020%29.svg/200px-Nagorno-Karabakh_war_map_%282020%29.svg.png)
۲۰۲۰ داغلیق قاراباغ ساواشی یادا ایکینجی قاراباغ ساواشی — آذربایجان جومهوریتینین سیلاحلی گوجلری و ائرمنیستان سیلاحلی گوجلری آراسیندا داغليق قاراباغدا دوام ائدن سیلاحلی ساواش دیر.
داغلیق قاراباغ تماس خططیندهکی دؤیۆشلر ۲۷ سپتامبر ۲۰۲۰ ده سحر ساعاتلاریندا باشلادی. هر ایکی طرف حربی و مۆلکی ایتکیلر اوْلدۇغۇنۇ بیلدیردی. مۆناقیشه نتیجهسینده، ائرمنیستان و داغلیق قاراباغ جومهوریتینده حربی وضعیت و عۆمومی سفربرلیک، آذربایجاندا ایسه حربی وضعیت، کومندانت ساعاتی، مۆحاریبه وضعیتی و قیسمن سفربرلیک اعلان ائدیلدی.
نووامبرین ۱۰-ونا دک آذربایجان سیلاحلی گوجلری جبراییل، فضولی، زنگیلان، قوبادلی و شوشا شهرلرینی، هادروت، مینجیوان، آغبند و بارتاز شهرجیکلرینی، ۲۸۶ کندی و مۇروْو داغینی ایشغالدان آزاد ائتدی. نووامبرین ۱۰-وندا روسیه آراجیلیغییلا ایمضالانان آتشکسه گؤره آذربایجان جومهوریتی ساواش دؤورونده آزاد ائتدیگی اراضیلری الده ساخلادی و ائرمنیستان ایشغال ائتدیگی اراضیلری او جومله دن کلبجر، آغدام و لاچین رایونلارینی نووامبرین ۲۵-ینه دک آذربایجانا قایتاردی.