آلکساندر بلوک
![](http://upload.wikimedia.org/wikipedia/commons/thumb/6/6c/Blok.jpg/220px-Blok.jpg)
آلئکساندئر بلوک (۱۹۲۱-۱۸۸۰) روسجا (Александр Александрович Блок) روس سیمبولیزمینین اؤنده اولان تمثیلچیلریندندی.شاعیر و اویون یازاریدی. قلب سکتهسی اثرینده اؤلدو. کومونیزم دئوریمینده یازدیغی ۱۲ آدلی شعری تانینمیشدیر.دئوریمین بوتون لیدئرلری، پئسیخولوژیلری و داورانیشلارییلا اونا چوخ اؤزگه اولان اینسانلاردیلار.او لیریک بیر شاعیر ایدی بو قونولارا گیریشمهدی.بونا گؤره اؤز ایچینه چکیلدی و «اون ایکیلر» آدلی اثرینی یازاندان سونرا سسسیزلییه باسدیریلدی. پاستئرناک اونو اؤز اوستادی آدلاندیریر.
ایکی شعر آلئکساندئر بلوکون «اون ایکیلر» کیتابیندان
[دَییشدیر]اون بیر
آللاهسیز،کیتابسیز،
یاخشیجا آجیماسیز
اون ایکی نفر گئدیرلر
اوزاقلاردا نه وارسا
اونا حاضیردیلار...
توشلانمیش پولاد توفکلری
گؤرونمز دوشمانلارا،
پالانلارلا دؤشهنمیش،
فیرتینایلا باغلانمیش،
سسسیز چیخماز کوچهلره...
قیرمیزی بایراغی گؤزلره وورور.
اویوشان آددیملارین
سسلری ائشیدیلیر.
بیردن،اویانسا ظالیم دوشمان
گؤزلرینه فیرلادار قاری
دورمادان گئجه گوندوز تیپینده...
مارش ایرهلی،
ایشچی میلّت،
مارش ایرهلی،مارش ایرهلی!
گئجه شهر یاتمیش
گئجه شهر یاتمیش.
قوجامان پنجرهنین آردیندا
جان چکن بیر آدام کیمی
سایخین،هئیبتلی.
شوشهنین اؤنونده کدرلری بیریسی
کوسموش طالئعینه،
کؤکسو باغری آچیق
اولدوزلاردا گؤزلری.
-اولدوزلار،اولدورلار!-
نهدیر کدریمین ندنی؟
اولدوزلاردا گؤزلری.
-اولدوزلار،اولدوزلار!-
هاردان گلیر بو کدر؟
و اولدوزلار دانیشیرلار
آنلادیرلار هر شئیی.