یانارداغ
یانارداغ یوخسا وولکان (اینگیلیسجه – خاریجه لاوا، وولکانیک گازلار، داشلار (وولکانیک بومبالار) پوسکوردن، یئر کوره سینین اوست قاتیندا یارانان ژئولوژی ستروکتور دور. یانارداغین یئرین داخیلینده باش وئرن ژئولوژی دییشیک لیک نتیجه سینده ماگمانین خاریج ائدیلمسی ایله مشایعت اولونور.
وولکان سؤزو قدیم یونان اود اللهٔ وولکانین آدیندان گؤتورولموش دور.
یانارداغلا مشغول اولان علمه ولکانولوژیا دئییلیر.
یانارداغلار فورما (شیت و یا ستراتوولکانلار، آکتیو (حرکتده اولان، یاتان، سؤنموش)، یئرینه گؤره (یئراوستو، سوآلتی، بوزآلتی) و غیره. اولاراق تصنیف لشدیریلیرلر.
یئرین ۱۰۰ کیلومتر درین لییینده تخمینا ۱۰۰۰ و ۱۳۰۰۰ درجه سیلسیوس آراسیندا دما مؤوجود دور. بۇ ایستی لییین تاثیریندن اریمیش داش قاریشیغی اؤزولو پلاستیک فورمایا مالیک ماگمایا چئوریلیر. دامجی فورمالی ماگما ۵۰ کیلومتر درین لییینه ییغیلیر. تضییق چوْخالدیقجا ماگما یاریقلارلا حرکت ائدره ک لیتوسفرایا داخیل اولور. بۇ یوللا یئرین اوزونه چیخمیش ماگمایا لاوا دئییلیر.
یانارداغ پارتلاییشی زامانی تکجه کؤزه رنمیش مایع لر یوخ هم ده برک و گاز حالیندا اولان ماده لر خاریجه چیخیر. اکثر حاللاردا یانارداغلار کونوس (مخروط) شکلینده اولورلار. یانارداغین فورماسی باشقا شکیل‌لرده اولا بیلیر.
پوکورمه‌دن سونرا یانارداغین آکتیولییی یا دایانیر؛ یا دا او مین ایللر بویو «مورگوله ییر» (mürgüləyir). بۇ زامان ولکانین اؤزونده و اطرافیندا اولان اراضی لرده ماگماتیک اؤزه یین سویوماسی ایله مشایعت اولونان آکتیولیک ساخلانیلیر. بئله آدلانان، پوست ولکانیک دؤور باش وئریر.
بورایا فومارول، ترم، قیزئرلری میثال گؤسترمک اولار.
 |
ویکی‌آمباردا Volcanoes ایله مربوط فایل وار. |
| استراتوو یانارداغین ائن کسییی: | |
|---|---|
| ۱. بؤیوک ماگما کامراسی 2. یئراوست قاتی 3. کانال 4. بونؤوره 5. یاتاق 6. بوداق یول 7. یانارداغدان یارانان کول قاتی 8. یان طرف |
۹. یانارداغ زامانی یاران لاوا قاتی 10. بوغاز 11. پوسکوردوجو قیف 12. لاوا آخینی 13. آغیزلیق 14. کارتئر 15. سویوق کول |