سنت پترزبورق
سنت پترزبورق (روسجا: Санкт-Петербург) (قدیمی آدلاری؛ ۱۹۱۴–۱۹۲۴: پتروقراد و ۱۹۲۴–۱۹۹۱: لنینقراد) روسیه فدراسیونونون فدرال و اهمیتلی شهری، روسیهنین قوزئی-باتی فدرال دایرهسینین سیاسی مرکزی، روسیه فدراسیونو اساسی قانون محکمهسینین، موستقیل دؤولتلر بیرلیگی مجلیسی، ۱۹۹۲-جی ایلدن روسیه لنینقراد ویلایتینین حاکیمیت اورقانلارینین یئرلهشدییی شهر. ۲۰ و ۱۹. یوز ایللرده روسیه ایمپیراتوریسینین پایتختی. شوروی دؤوروندن قهرمان شهر.
سنت پترزبورق Saint Petersburg Санкт-Петербург | |||||||||
---|---|---|---|---|---|---|---|---|---|
| |||||||||
اهالی | ۴٬۸۷۹٬۵۶۶ نفر (۲۰۱۰) | ||||||||
اینترنت سایتی |
![](http://upload.wikimedia.org/wikipedia/commons/thumb/4/48/Saint_Petersburg_in_Russia_%28detail%2C_special_marker%29.png/250px-Saint_Petersburg_in_Russia_%28detail%2C_special_marker%29.png)
اهالیسی ۵٫۱۹۱٫۶۹۰ نفر (۲۰۱۵). اهالیسی بیر میلیوندان چوْخ اوْلان و قوزئیدا یئرلشن تکجه شهر. اوروپادا یئرلشن شهرلر آراسیندا اهالیسینه گؤره اوچونجو شهر. قوزئی اوروپادا، روسیهنین قوزئی-غربینده، بالتیک دنیزینین فین خلیجینین ساحیلینده، اورا تؤکولن نوا چایینین ساحیلینده یئرلشیر. روسیهنین واجیب ایقتیصادی، علمی، مدنی و تاریخی شهری، بؤیوک حمل و نقل ایتیصالیدیر. شهر مرکزیندهکی تاریخی عابیدهلر یونسکونون دونیا میراثی فهرستینه داخیلدیر.
تاریخ
دَییشدیر۱۷۱۲–۱۹۱۸-جی ایللرده روسیه دؤولتینین پایتختی. اساسی ۲۷ مای ۱۷۰۳-جو ایلده چار ۱-جی پیوتر طرفیندن قویولموشدور. شهرده اوچ بؤیوک اینقیلاب باش وئرمیشدیر. ۱۹۰۵–۱۹۰۷-جی ایللر، ۱۹۱۷-جی ایل بورژوا-دموکراتیک فوریه اینقیلابی، ۱۹۱۷-جی ایلده اوکتوبر سوسیال اینقیلابی. ۱۹۴۱–۱۹۴۵-جی ایللر بؤیوک وطن موحاریبهسی دؤورونده شهر اوزون مودت موحاصیرهده ساخلانیلمیشدیر. بونون نتیجهسینده شهرده ۱٫۵۰۰٫۰۰۰ نفر اینسان اؤلموشدور. ۱۹۶۵-جی ایلده قهرمان شهر وضعیتینی داشیییر.
۱۹۶۶-جی ایلدن باشلایاراق شهرین اهالیسیده چوْخالماغا باشلامیشدیر. شهرده یئنی تیکیلیلر سورعتله آرتماغا باشلامیشدیر. بؤیوک خیاوانلار-یوری قاقارین خیاوانی، کوسمونوواتلار خیاوانی سالینمیشدیر. ۱۹۶۷-جی ایل اوکتوبر اینقیلابینین ایلدونومونده «Юубилейный» ورزیش سارایی، «Октябрьский» بؤیوک کونسرت سالونی تیکیلدی. ۱۹۷۹-جو ایلده فین خلیجینین ساحیلینده بند تیکیلدی، هانسیکی شهری خلیجین سویوندان مودافعه ائدیردی. ۱۹۸۲-جی ایلده واسیلکوی آداسیندا دنیز ایستگاهی تیکدیلر. ۱۹۸۸-جی ایلده ایسه سنت پترزبورق شهرینی اهالیسی ۵ میلیونا چاتدی. ۱۹۹۰-جی ایلده یونسکونون مدنی ایرث فهرستینه داخیل ائدیلیب.
جوغرافیا و ایقلیم
دَییشدیرشیمالا یاخین اولماسینا باخمایاراق، یاز آیلاریندا ایستیلیک ۳۰ درجهیه چاتماقدادیر، قیشلاری ایسه سویوق کئچر، کاناللار بۇ وضعیتده دونار، بول یاغیش یاغار. شهرین یاییلدیغی بوتون ساحهلر بویونجا دنیز سطحیندن ان یوکسک نوقطه ۱۴–۱۵ متر حودودوندادیر. ژوئن - ژوئیه آراسیندا گوندوزلر داها اوزون اولار و تخمیناً ۲ هفته گونش هاراداسا هئچ باتماز. بۇ وضعیته «بیاز گئجهلر» آدی وئریلمیشدیر.
قارداش شهرلر
دَییشدیر- آذربایجان، باکی
- صربیستان، بلقراد
- آلمان، درزدن
- آلمان، هامبورق
- ایران، ایصفاهان
- تورکیه، ایستانبول
- تورکیه، آدانا
- آمریکا، لوس آنجلس
- ایتالیا، میلان
- هیندوستان، بمبئی
- هولند، روتردام
- لهیستان، ورشو
- ائرمنیستان، ایروان
منبعلر
دَییشدیر
گؤرونتولر
دَییشدیرقایناقلار
دَییشدیربو روسیه ایله باغلی مقاله، بیر قارالاما مقاله دیر. بونو گئنیشلندیرمکله ویکیپدیایا کؤمک ائده بیلرسینیز. |