Kristofer Makkendles
Kristofer Makkendles | |
---|---|
ing. Christopher Johnson McCandless | |
![]() Ömrünün sonuna yaxın, özü tərəfindən çəkilmiş şəkili | |
Doğum tarixi | |
Doğum yeri | Kaliforniya , ABŞ |
Vəfat tarixi | (24 yaşında) |
Vəfat yeri | Alyaska, ABŞ |
Vəfat səbəbi | zəhərlənmə[d] |
Milliyyəti | Amerkalı |
Təhsili | |
Fəaliyyəti | Səyyah |
![]() |
Kristofer Makkendles/Aleksander Supertremp (ing. Christopher McCandless; 12 fevral 1968[1] – ən geci 6 sentyabr 1992) – Amerikalı səyyah.
![](http://upload.wikimedia.org/wikipedia/az/thumb/7/7c/Kristofer_Makkendlesin_evi.jpg/250px-Kristofer_Makkendlesin_evi.jpg)
Həyatı
[redaktə | mənbəni redaktə et]Kristofer Makkendles 1968-ci ilin 12 fevral tarixində ABŞ-nin Kaliforniya ştatında yerləşən El Saqundo şəhərində anadan olmuşdur. Varlı ailənin üzvü olan Makkendles Emori Universitetini bitirir. Hər zaman dünyanı gəzmək fikirində olan Kristofer Makkendles 24 yaşında olarkən bu fikrini gercəkləşdirmək qərarına gəlir. Əvvəlcə əlində olan 24 min dolları xeyriyyə cəmiyyətlərindən birinə bağışlayır. Bu addımdan sonra Makkendles ailəsinə və dostlarına xəbər vermədən, ABŞ səyahətinə başlayır. Qanunsuz yolla Meksika ərazisinə daxil olur, burada bir müddət qaldıqdan sonra yenidən ABŞ-yə qayıdır. Kristofer Makkendlesin əsas görmək istədiyi yer Alyaska ştatı idi. O, Alyaskada tərk edilmiş 142 nömrəli bir avtobus tapır. Avtobus tərk edilmiş vəziyyətdə olsa da, icində özünə rahat şərait yaradır. 142 nömrəli avtobusun icərsində özünə yataq və soba düzəldir. Yanında gətirdiyi qida ehtiyatı tükəndikdən sonra, Makkendles bitkilər və siçanlar vasitəsi ilə qidalanmağa başlayır. Bir neçə dəfə ov etməyə cəhd göstərsədə, cəmi bir dəfə maral ovlaya bilir. Maralın da ətini düzgün şəkildə saxlaya bilmədiyindən, həmin ətin kiçik bir hissəsini istifadə etməli olur. Kristofer Makkendles soyuq Alyaska çöllərində 142 nömrəli avtobusda qaldığı hər bir gecə haqqında öz şəxsi günlüyündə yazmışdır. 4 ay müddətində 142 saylı avtobusda qaldıqdan sonra geri qayıtmaq qərarına gəlir.
Ölümü
[redaktə | mənbəni redaktə et]Piyada gəldiyi yolların çaylar tərəfindən yuyulması onun burada daha bir ay qalmasına səbəb olur. Kristofer Makkendles 4 ay rahat şəkildə yaşadığı Alyaska çöllərində bir ayda yaşamağı ciddi problem hesab etmirdi. Geri dönməsinə az bir müddət qalmış, tanımadığı bir pomidor növünü yeyir və zəhərlənir. Kristofer Makkendlesin 142 nömrəli avtobusda 1992-ci ilin 18 avqust tarixində öldüyü ehtimal olunur. 112 günlük Alyaska macərasının ölümlə bitməsinin yeganə səbəbi zəhərli eskimos pomidorundan yeməsi olmuşdur. Ömrünün son günlərində yatağa düşən Makkenles Alyaskada yaşadığı bir çox təcrübəni öz günlüyündə yazmışdır. Cəsədi ölümündən 18 gün sonra ovçular tərəfindən tapılır. Kristofer Makkendlesin cənazəsi yandırılaraq bacısı tərəfindən Alyaska səmasına səpilir. Kristofer Makkendles polis tərəfindən axtarıldığını ehtimal edərək, rastlaşdığı insanlara özünü Aleksandr Supertram kimi təqdim etmişdir.
Populyar mədəniyyətdə
[redaktə | mənbəni redaktə et]1996-cı ildə Con Kraukerin Vəhşi təbiətin içərsində adlı kitabı nəşr olunmuşdur. Kitabda Kristofer Makkendlesin əsasən Alyaskada başına gələn real hadisələr təsvir edilir. Kitabın uğur qazanmasından sonra eyni adlı filimin çəkilişləri barəsində razılıq əldə olunur. Vəhşi təbiətin içərisində 2007-ci ildə çəkilmişdir. Filmi məşhur Amerikalı aktyor və kinorejissor Şon Penn ekranlaşdırmışdır. İstər kitabın yazılmasında, istərsədə filimin çəkilməsində Makkendlesin günlüyündən istifadə olunmuşdur.
Xarici keçidlər
[redaktə | mənbəni redaktə et]- ↑ Lewis R. Christopher McCandless // Encyclopædia Britannica (ing.).