Barium xlorid

Barium xlorid
Ümumi
Kimyəvi formulu	BaCl₂
Molyar kütlə	0 kq
Fiziki xassələri
Sıxlıq	3,92 (20 °C) q/sm³
Termik xüsusiyyətlər
Ərimə nöqtəsi	962 °S
Qaynama nöqtəsi	1560 °S
Təsnifatı
CAS-da qeyd. nöm.	10361-37-2
PubChem	25204, 5360350, 139046011
RTECS	CQ8750000
ChEBI	63317
BMT nömrəsi	1564
ChemSpider	23540

Barium xlorid (BaCl₂) ― duzlar sinfinə aid qeyri-üzvi birləşmə. Barium xlorid rəngsiz, romb şəklində olan kristaldır.

Alınması

• Bariumun xlor ilə reaksiyası zamanı:

${\mathsf {Ba+\ Cl_{2}\longrightarrow \ BaCl_{2}}}$

• Barium oksidin xlorid turşusu ilə reaksiyası zamanı:

${\mathsf {BaO+2HCl\longrightarrow \ BaCl_{2}+\ H_{2}O}}$

• Barium hidroksidin xlorid turşusu ilə reaksiya zamanı:

${\mathsf {Ba(OH)_{2}+2HCl\longrightarrow \ BaCl_{2}+2H_{2}O}}$

• Barium sulfidin kalsium xlorid ilə reaksiya zamanı:

${\mathsf {BaS+\ CaCl_{2}\longrightarrow \ BaCl_{2}+\ CaS}}$

• Barium karbonatin xlorid turşusu ilə reaksiya zamanı:

${\mathsf {BaCO_{3}+2HCl\longrightarrow \ BaCl_{2}+\ H_{2}O+\ CO_{2}\uparrow }}$

Kimyəvi xassələri

Barium xlorid suda yaxşı, spirtdə az miqdarda, dietil efirində tamami ilə həll olunmur. Barium xlorid duzlarla dəyişmə reaksiyalarına yalnız həll olunmayan bir maddə, qaz halında və ya bir qədər az dissosiasiya olun birləşmə alınanda daxil olur:

${\mathsf {BaCl_{2}+\ MgSO_{4}\longrightarrow \ BaSO_{4}\downarrow +\ MgCl_{2}}}$

${\mathsf {BaCl_{2}+\ K_{2}CrO_{4}\longrightarrow \ BaCrO_{4}\downarrow +2\ KCl}}$

Müəyyən turşular ilə reaksiyaya daxil olur:

${\mathsf {BaCl_{2}+\ H_{2}SO_{4}\longrightarrow \ BaSO_{4}\downarrow +2\ HCl}}$

Tətbiqi

Barium xlorid kənd təsərrüfatında bitki zərərvericilərinin məhv edilməsi üçün istifadə olunur. Analitik kimyada məhlullarda sulfat turşusu və ya sulfatları aşkar etmək üçün (ağ çöküntü əmələ gəlir) tətbiq olunur. Keramik məhsuları hazırlamaq üçün istifadə olunan kütlənin tərkibinə daxil olur. Kimya sənayesində bariy duzları və bariy əsaslı reaktivlərin istehsalı üçün istifadə olunur.

Toksikliyi

Barium xlorid – toksik maddədir. Dəri və gözlərə düşdükdə, kimyəvi yanığlara səbəb ola bilər, yanğın və partlayışa davamlıdır. Buxarıyla nəfəs aldıqda öskürək, boğazda ağrı baş verir. Daxilə düşdükdə sinir sisteminə, ürəyə pis təsir görsədir. Siçovullar üçün ölümcül dozası daxilə düşdükdə 50-149,2 mq / kq-dır. Barium xloridi qaranlıq otaqda polietilen torbalarda saxlamaq lazımdır. Təmin etmək lazımdır ki, su ilə təmasda olmasın.

İstinadlar

1. Рабинович В.А., Хавин З.Я. "Краткий химический справочник" Л.: Химия, 1977 стр. 55
2. Ахметов Т.Г. Химия и технология соединений бария. - М.: Химия, 1974. - С. 26-45
3. Вредные химические вещества: Неорганические соединения элементов I-IV групп. Справочник. - Л.: Химия, 1988. - С. 136

Mənbə

1. [www.xumuk.ru/spravochnik/383.html Хлорид бария на XuMuK.Ru]
2. [www.xumuk.ru/encyklopedia/475.html Описание и применение хлорида бария на XuMuK.Ru]