Wn/az/Ana Səhifə
![](http://upload.wikimedia.org/wikipedia/commons/thumb/2/23/Wikinews_banner_5.png/297px-Wikinews_banner_5.png)
Azərbaycan dilində hamının redaktə edə biləcəyi azad xəbər mənbəyi Vikixəbər sizin ixtiyarınızdadır.
Hal-hazırda Azərbaycan dilində 585 xəbər var. |
VİKİXƏBƏR Cümə, 30. avqust 2024. 04:20
|
Bu gün Vikipediyanın yarandığı gündür
Yanvarın 15-i dünyada Beynəlxalq Vikipediya Günü kimi qeyd olunur. Lent.az xəbər verir ki, Vikipediya onlayn ensiklopediyası 2001-ci il yanvarın 15-dən fəaliyyətə başlayıb və qısa müddət ərzində internetin ən populyar layihələrindən birinə çevrilib. Vikipediya bu gün dünyanın ən nəhəng ensiklopediyası, zəngin informasiya mənbələrindən biridir. ABŞ-ın Ohayo Universitetinin fəlsəfə doktoru Larri Senger və amerikalı sahibkar Cimmi Uels tərəfindən təsis olunmuş Vikipediya bu gün internet məkanında fəaliyyət göstərən yüz milyonlarla sayt sırasında istifadəçi və müraciətlərin sayına, informasiyanın həcminə görə ən yüksək reytinqə malikdir. Vikipediyaya müraciət edənlər buradan yalnız ensiklopedik məlumatlar deyil, eyni zamanda səhifələrə daxil edilmiş media-fayllar, animasiyalı sxemlər, üçölçülü obyektlər, interaktiv panoramlar da əldə edirlər. |
Ermənistanın elektrik sistemində qəza baş verib
Ermənistanın paytaxtı İrəvanda və bəzi rayonlarında 10 iyul 2019 tarixində, günorta saatlarından elektrik enerjisi təminatında problemlər yaranıb. Telefon stansiyası və internet ara-sıra kəsilib, İrəvan metropolitenində hərəkət dayanıb. İrəvan sakinləri elektrikin qeyri-sabitliyi nəticəsində məişət elektrik cihazların sıradan çıxması halları barədə xəbər veriblər. Ermənistan baş nazirinin müavini Tiqran Avinyan ölkə elektrik sistemində problem yarandığını bildirib. Tiran Avinyan Ermənistan energetik sistemində qəza baş verdiyini bildirib: "Ermənistan energetik sistemində qəza baş verib. İrəvan istilik elektrik stansiyası və Hrazdan istilik elektrik stansiyasının 5-ci bloku dayandırılıb. Bütün respublika üzrə elektrik enerjinin kəsilməsi halları mümkündür", - Ermənistan baş nazirinin müavini yazıb və problemi "axşam saat 7-yə qədər həll etmək üçün" təmir işləri aparıldığını bildirib. |
İsmayıllıda güclü külək və leysan fəsadlar törədib
İsmayıllı rayonunda güclü külək və leysan yağış bir sıra fəsadlar törədib. Təbii hadisə nəticəsində evlərə, ağaclara, elektrik xətlərinə ciddi ziyan dəyib. Güclü külək bir neçə evin və sosial obyektin dam örtüyünə ziyan vurub. Təbii hadisə zamanı rayonda məcburi köçkünlər üçün salınan "Qarabağ" yaşayış massivində məskunlaşan Şuşa sakini, 1969-cu il təvəllüdlü Mirzəliyev Rövşən Hümbət oğluna məxsus fərdi yaşayış evinin dam örtüyü tamamilə qopub, yağış suları evə ciddi ziyan vurub. Ailə üzvləri qonşuların köməkliyi ilə təhlükəsiz yerə köçüb. Güclü külək nəticəsində rayon mərkəzində elektrik enerjisinin təchizatı dayanıb, qaz və su xətlərinə, meyvə bağlarına, əkin sahələrinə ziyan dəyib. |
Azərbaycan-Misir diplomatik əlaqələrinin 20 illiyi poçt markası üzərində əbədiləşdirilib
Azərbaycan-Misir diplomatik əlaqələrinin 20 illiyi münasibətilə Azərbaycan Respublikası Rabitə Nazirliyinin “Azərmarka” şirkəti tərəfindən Azərbaycanın iki poçt markası dövriyyəyə buraxılıb.
|
Azərbaycan London Yay Olimpiya Oyunlarında ilk medalını qazandı
Böyük Britaniyanın paytaxtı Londonda keçirilən 2012 Yay Olimpiya Oyunlarında Azərbaycan idmançıları ilk medalı qazanıb. Bürünc əyarlı bu medal ağırlıqqaldırma yarışlarında əldə olunub.
|
Elm aləmində görünməmiş hadisə
Sibirdə tapılan və təxmini hesablamalara görə, 40 min il yaşı olan buzlaşmış mamontun kloununu yaratmağa cəhd edilir. Mütəxəssislər buzlaşmış heyvandan DNT analizi üçün yetərincə qan götürə biliblər.
|
Azərbaycanın Qəbələ rayonunda Beynəlxalq Musiqi Festivalı keçirilir
Fərhad Bədəlbəyli Heydər Əliyev adına Fondun və Mədəniyyət və Turizm Nazirliyinin sponsorluğu ilə keçirilən festivala amerikalı sənət dostu, məşhur dirijor və violençel ustası Dmitri Yablovski ilə birlikdə bədii rəhbərlik etdiklərini dedi.
|
Vikipediya — 15 il
İnternetdə uğurla reallaşdırılan və milli maraqlar baxımından mühüm əhəmiyyət kəsb edən “Vikipediya” virtual ensiklopediyası 2001-ci ilin 15 yanvar tarixində fəaliyyətə başlayıb və az müddət ərzində İnternetin ən populyar layihələrindən birinə çevrilib. “Vikipediya” bu gün dünyanın ən nəhəng ensiklopediyası, zəngin informasiya mənbəyidir.
|
|