Aşıq Qurban

Aşıq Qurban — ustad aşıq.

Aşıq Qurban
Doğum tarixi	1870
Doğum yeri	Ağkilsə (Göyçə), Basarkeçər, Qərbi Azərbaycan
Vəfat tarixi	1915
Vəfat yeri	Ağkilsə (Göyçə), Basarkeçər, Qərbi Azərbaycan
Vəfat səbəbi	xəstəlik
Dəfn yeri	Ağkilsə
Atası	Məşədi Saleh
Fəaliyyəti	şair
Aşıq Qurban Vikimənbədə

Həyatı

Aşıq Qurban Aşıq Ələsgərin qardaşı Məşədi Salehin böyük oğludur. Aşıq Talıbın və başqa qohumlarının söyləməsinə görə Qurban simaca yaraşıqlı, mərifət-qanacağı ilə xalq içində hörmət qazanmış yaxşı bir aşıq olmuşdur. Gözəl səsə, bədahətən şer söyləmək qabiliyyətinə malik Aşıq Qurban muğam havalarının da məşhur ifaçılarından imiş.

Göyçənin Ağkilsə kəndində dünyaya göz açan Qurban 1915-ci ildə gənc yaşlarında vəfat etmiş və Ağkilsə kəndinin qəbrstanlığında dəfn edilmişdir.

Aşıq Ələsgərin ən sevimli səyirdi, eyni zamanda qızı Gülnisənin əri Aşıq Qurbanın vəfatı böyük ustada elə məyusluq gətirmişdir ki, bu bədbəxt hadisədən sonra, Aşıq Ələsgər, bir daha əlinə saz almamışdır.

Aşıq Qurbanın əksər şeirləri unudulmuşdur. Əldə edilən nümunələr Aşıq Ağayar və Aşıq Talıbın hafizəsində mühafizə olunmuşdur.

Ədəbiyyat

• Məmmədhüseyn Təhmasib. Seçilmiş əsərləri. 2 cilddə. I cild. Bakı: Mütərcim, 2010. - səh. 360.