Tamavafa gadakiewega koe Madagasikara

Bat teliz va kot debak bendeyen dene Tamavafa Gadakiewega ke UNESCO koe Madagasikara otular.

Bak 2018, baroy debak ke Madagasikara tid ke winugafa vexala ke Tamavafa Gadakiewega : 1 arayaf is 2 tuwavaf.

Winugafa vexala

Bat debak bevular iyelaf

Ambohimanga gazafa venta	Welmot : 0.59 km²
Arayaf debak bendeyen bak 2001	Ludeem : (iii) (iv) (vi)	UNESCO otuk : 950
Debala : Analamanga Gola	Maneka : 18° 45' 32" G-, 47° 33' 47" R-
Ambohimanga gazafa venta tir dem gazaf wid is gazafo naboxaxo is belca dem tumtaxo. Gesiana gu zolonaf trakuray va vedeyafa milkuca, va alpoz ke swavuca is tumtuca vider, ton ksubera is swava ke sanelia mali mon 500 tanda. Wan tir atayxo is befoltaxo worano gan Madagasikarik is jontik artan. ^[1]

Atsinanana	Welmot : 4796.61 km²
Tuwavaf debak bendeyen bak 2007	Ludeem : (ix) (x)	UNESCO otuk : 1257
Debala : Alaotra-Mangoro Gola, Analanjirofo Gola, Atsinanana Gola, Haute Matsiatra Gola, Sava Gola, Vatovavy-Fitovinany Gola	Maneka : 14° 27' 36" G-, 49° 42' 11" R-
Abdaala ke Atsinanana koe tevoy vedeyaf gerd kene taltef rast ke ewala tigir. Bata savsafa aala tir zolonapafa ta videra va tuwavopafa diotera adrafa gu tanafa moblira ke bligedruca ke Madagasikara. Va sidopafa izva ke ewala tcazedar : nope griuziawera sol aryoni sidayki weti loon 60 celemda, Madagasikara va bumon towayas ruxeem isu fled bravar. Bendeyena nope zolonuca ke tuwavopafa lidam bliopafa diotera, abdaala nope intafa gedruca is intyona jandena dratcena katca ( tulon jidol is bancol ) dere zo askiyir. ^[2]

Tsingin'ny Bemaraha	Welmot : 1520 km²
Tuwavaf debak bendeyen bak 1990	Ludeem : (vii) (x)	UNESCO otuk : 494
Debala : Melaky Gola	Maneka : 18° 40' 01" G-, 44° 45' 00" R-
Tsingin'ny Bemaraha tuwavafo videxo Sedienjaxo is paptenapaf kalkaf fluvor dem Tsingy woes patectoy, i dem kalkafo « furidaxo », is dem burkaf ecor ke Manambolo kuksa, is dem denoxa is soa, is dem arnapa, va lae ke Bemaraha tuwavafo videxo ponad, lize spafa aala is yona uzda is dervek va irubaxo mu yona riafa is dratcena zverifa katca isu bancol zanudad. ^[3]