Guya
![](http://upload.wikimedia.org/wikipedia/commons/thumb/6/6f/ChessSet.jpg/220px-ChessSet.jpg)
Guya ok guyuti
[betara | va krent betá]Guya taneon tir omba tcakesa va toloy ombusik voke azega yoltkirafa gu guyak dem aftaf lujor azu orikaf koton gu tev-san-balemda.
Viele grabon ok ebon zo ksuber, icde uti kre pulvit, batdume guyuti trogarn dere krulder. Voxen ton omba ok uti, verteem tir mil.
Bal etsa, batakaf ombusik va aftaf guyolk dadir isen ebeltaf ombusik va tel orikaf. Ba toza, kota belca vas san-tevoy guyolk ruldar : tanoye gazikye is tanoya gazikya is toloy rasek is toloy tujradik is toloy okolik is anyustoy sayakik ( okon pawaga ). Kot guyusik silukon vordur arplekuson tan intaf guyolk.
Ombamukot tir rodjesira va kevelik, i debala tode gazikye zo rogralomer ise vol rototcer.
Verteem
[betara | va krent betá]![](http://upload.wikimedia.org/wikipedia/commons/thumb/3/30/ChessStartingPosition.jpg/220px-ChessStartingPosition.jpg)
![](http://upload.wikimedia.org/wikipedia/commons/thumb/c/c3/Chess_board_opening_staunton.jpg/220px-Chess_board_opening_staunton.jpg)
![](http://upload.wikimedia.org/wikipedia/commons/thumb/a/a7/Chess_board_blank.svg/220px-Chess_board_blank.svg.png)
![](http://upload.wikimedia.org/wikipedia/commons/thumb/1/11/SCD_algebraic_notation.png/220px-SCD_algebraic_notation.png)
Guyolk
[betara | va krent betá]Guyolk tid :
Guyolk | Guyak | Arplekura | |
---|---|---|---|
1 | Gazikye | Gazikye sotre tanoy lujor kottomon arplekuwer. Va aptafa arplekusa verta dadir : va castling ukey. | |
2 | Gazikya | Gazikya sotre tanoy ok konak lujor zidon ok xuon ok dadon arplekuwer. Va rotira ke rasek is okoldik ziner. | |
3 | Rasek | Rasek sotre tanoy ok konak lujor zidon ok xuon arplekuwer. | |
4 | Tujradik | Tujradik sotre tanoy ok konak lujor dadon arplekuwer. | |
5 | Okoldik | Okoldik gan mek vegungaf guyolk zo roremazavzar oke zo rotelekar : mo kallujor vamoon ronograbler. | |
6 | Sayakik (Pawaga) |
Sayakik sotre tanoy lujor abduon arplekuwecker, vaxeon ba taneafa lizira viele sotre toloy lujor tanvordon ronoliziwer. Vol ronodimenir. Va aptafa verta ta gralomera va guyolk dadir : dadafa gralomera. |
Lingeks va guya is guyuti
[betara | va krent betá]-
Pinoba ke Mialukugal nedisa va guyetsa
-
Guyusik, gan Honoré Daumier (1863)
-
Guyetsa, gan Lucas van Leyden (moni 1508)
-
Arabafa pinoba
-
Yevgeni Onegin ke Puckin, bak guyetsa
![](http://upload.wikimedia.org/wikipedia/commons/thumb/1/13/Stamps_of_Lithuania%2C_2007-21.jpg/220px-Stamps_of_Lithuania%2C_2007-21.jpg)
Suteroteem
[betara | va krent betá]► Guyusik : berpotam ke Stefan Zweig