Deaxipol (Budorcas taxicolor)
Deaxipol ![]() Budorcas taxicolor | ||
![]() | ||
giltafa pulara | ||
Bliind | Animalia | |
Dansok | Chordata | |
Volveydansok | Vertebrata | |
Pula | Mammalia | |
Volveypula | Theria | |
Tolvolveypula | Eutheria | |
Veem | Artiodactyla | |
Yasa | Bovidae | |
Volveyyasa | Caprinae | |
oxi | ||
Budorcas | ||
Hodgson, 1850 | ||
katca | ||
Budorcas taxicolor | ||
Hodgson, 1850 | ||
|
![](http://upload.wikimedia.org/wikipedia/commons/thumb/9/9c/Takin_range.jpg/310px-Takin_range.jpg)
Deaxipol (Budorcas taxicolor) tir tana moukolafa katca ke Budorcas oxi vey Bovidae yasa ( Caprinae volveyyasa ) ke ARTIODACTYLA veem.
Gan Hodgson bak 1850 taneon zo pimtayar.
Pimtara
[betara | va krent betá]Deaxipol tir werdtoraf dunol gamion rentakiraf, dem alnafa is fofkafa brucka, is dem abdueinieem abrotcaf loon dam radimeinieem. Sulemye is sulemya va vaf noleem sodid, i va nola mantafa gu levak is divon livamafa kimbamasa va tela ke ayadol. Mialukafe abrotce ke nola tir vas mon 60 cm-.
Baroya grupena apta ke deaxipol krulded. Assam deaxipol va sizuntapas ksevaf gem dir. Koe Assam gola is Nepala is Butana blir, ontineon ice 2500 ik 4000 m-, koe aala ok gola dem vafo amnaxo. Sichuan deaxipol koe bata siniafa gola koe vafo dielupaxo isu diuzxo blir lize gijarotifa renta is vaf im noved da rodekolanir. Shenxi deaxipol va bata meftavafa gola ke Sinia nobar.
Deaxipol vanmiae milkavapa dem yon decemoy govitol blir. Va yona gedrafa ruxinda malestur : webek is toa is geilt is werdruxa idulugalon ; vox dalon diuze fentugalon. Bak noldacekap ok olgaf fentugal, van kusackaf krant vwon ice mon 2000 m- gititlanir lize lidawickafa gropa tir loeke zeitafa. In va ekamaf ruxeem albar lize va binkacka fetar. Bak fedacek ke viel oxam malestur.
Nazbarugal bak pereaksat tozuwer ugale milgikye va milkava dem deaxipolya is oceem vanlanid. Ocagugal remi mon anyustoy aksat jijar azen oc bak bareaksat ik balemeaksat koblid.
Kira
[betara | va krent betá]- Veem : Artiodactyla
- Yasa : Bovidae
- Lum : upene vas 1 ik 1.3 m-
- Aldo : 230 ik 350 kg-
- Talgeem : 32 talga
- Nazbarugal : pereaksat ik anyusteaksat
- Ocagugal : 8 aksat
- Occek : 1
- Ikralukruca : 2 tanda icde deaxipolya ; 4-5 tanda icde -olye
- Blirugal : 15 ik 20 tanda
Ewavak
[betara | va krent betá]Vexala dem apteem
[betara | va krent betá]Sedme Mammal Species of the World (siatos ke 2005), bata katca vas 4 apta ruldar :
- Deaxipol (Budorcas taxicolor taxicolor) (Hodgson, 1850)
- Deaxipol (Budorcas taxicolor bedfordi) (Thomas, 1911)
- Deaxipol (Budorcas taxicolor tibetana) (Milne-Edwards, 1874)
- Deaxipol (Budorcas taxicolor whitei) (Lydekker, 1907)
Pulasa vuestexa is xantaza
[betara | va krent betá]
- (en) vuest- : Mammal Species of the World (v- 3, 2005) : Budorcas taxicolor (Hodgson, 1850)
- (en) vuest- : CITES : Budorcas taxicolor
- (en) vuest- : UICN : katca Budorcas taxicolor (Hodgson, 1850)
- (en, fr) vuest- : ITIS : Budorcas taxicolor (Hodgson, 1850)
- (en) vuest- : Tree of Life Web Project : Budorcas taxicolor
- (en) vuest- : Catalogue of Life : Budorcas taxicolor (Hodgson, 1850)
- (en) vuest- : Paleobiology Database : Budorcas taxicolor (Hodgson, 1850)
- (en) vuest- : Animal Diversity Web : Budorcas taxicolor
- (en) vuest- : NCBI : Budorcas taxicolor
Ara vuestexa
[betara | va krent betá]- Deaxipol (Budorcas taxicolor) dene Wikispecies
Kotavafa vuestesa xantaza
[betara | va krent betá]- Kotava winugaf moukolaf ravlemak (Kotava, Latinava, 2019)
- Deaxipol dene www.europalingua.eu