Зоб
![](http://upload.wikimedia.org/wikipedia/commons/thumb/e/eb/Sky_over_Munich_02.jpg/280px-Sky_over_Munich_02.jpg)
![](http://upload.wikimedia.org/wikipedia/commons/thumb/9/94/Cescent_Moon_with_Jupiter_and_Saturn_before_great_conjunction_of_2020.jpg/280px-Cescent_Moon_with_Jupiter_and_Saturn_before_great_conjunction_of_2020.jpg)
Зоб (романизация: Zob ) — квалквал ккечӀого Ракьул гьурматӀаса тӀадехун рахъалда бихьулеб жо. Элъ гъорлӀе бачуна атмосфераги космосияб меслъиги. Эб гьединго рикӀкӀине бегьула ракьтӀаги космосалдаги гьоркьоб бугеб меслъун, эдинан космосалдаса батӀаяб.
Астрономиялда зоб гьединго цӀарула келестиалаб сфера (зодилаб горен) абунги. Гьеб абстрактияб сфера буго Ракьуе концентрикияб, гьелдасан хьвадулел ругилан ккола Ракьалдаса ралагьаразда Бакъги, МоцӀги, цӀвабиги, планетабиги. Зодилаб сфера бикьула бихьизарурал мухъазде, жидеда цӀвараби (констеллатияби) абулеб.
Этимология
[хисизабизе | код хисизабизе]Зоб (хъв. зоди́-, пл. зо́бал) абураб рагӀи ккола авараб; бачӀараб буго прото-авар *zibu рагӀудаса. Гьеб жибго лӀугьун буго прото-хьондакавказияб гьебго магӀнадул *ʒǝ̆wɨ̆ рагӀудаса. ЛӀугьараб кьолбодалъун гӀагарал рагӀаби руго гӀахьвалазул зо, тӀиндисезулги кӀкӀаралазулги зебу, балъхъадерил зиву, багвалазул зеб. Авар рагӀуе цогидал дагъистаниял мацӀаздаса гӀагараллъун ккола тум сав, гӀахъущ заб, курал цав, хиналугъ цва, табасаран ва агъул зав рагӀаби.[1]
МугъчӀваял
[хисизабизе | код хисизабизе]- ↑ "Зоб рагӀул этимология". StarLing database server. The Tower of Babel. The Global Lexicostatistical Database. Щвей 2024-02-11.