Yom Kippur
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
![](http://upload.wikimedia.org/wikipedia/commons/thumb/1/1e/Maurycy_Gottlieb_-_Jews_Praying_in_the_Synagogue_on_Yom_Kippur.jpg/220px-Maurycy_Gottlieb_-_Jews_Praying_in_the_Synagogue_on_Yom_Kippur.jpg)
Yom Kippur (יום כפור), ye la festividá xudía del Día de la Espiación o del Perdón; na Torah nómase como Yom haKippurim (del hebréu Día de las Espiaciones). Ye, xunto Rosh haShana, ún de los designaos Yamim Noraim (del hebréu, Día de Temor Reverencial). El Yom Kippur son los postreros dos díes de los Diaz Díes del Arrepentimientu mientres que Rosh haShana son los primeros dos díes.
Esti día escomienza col tapecer del décimu día del mes de Tishri, ente setiembre y ochobre, y continúa hasta'l tapecer del día viniente.
Orixe bíblicu
[editar | editar la fonte]El ritu del Yom Kippur ta descritu cuatru vegaes capítulu selze del Levíticu. Nel ayunu ta prohibíu comer y cualaquier actividá o llabor que distraiga l'atención de la espiación y del arrepentimientu. Antiguamente ofrecíense sacrificios nel Templu de Xerusalén.
Nesti mesmu llibru fálase sobre'l ritu de les cabres (o castrones) espiatorios enviaos p'Azazel, pallabra d'orixe escuru y que namás apaez nesi pasax en tola Biblia xudaica; el significáu d'esti étimu ta resueltu por tres teoríes estremaes. Una caltién que vien de aze (castrón) y azel (partida) en referencia al barrancu nel que se sacrificaben les cabres; otra diz qu'Azazel, baseándose nel llibru d'Enoch, yera una figura maligna polo qu'esto yera un ritu antiguu y rellacionáu coles creyencies d'otros pueblos vecinos de la dómina y que taba empobináu a devolver na forma de les cabres los males y daños de tol añu a los sos propietarios orixinales. La tercera, y más conservadora, cuida que'l términu namás fai referencia a un llugar nes afueres de las ciudaes onde se tomaben los castrones o a la espresión asemeyada que quier dicir dexáilos dir.
Según el Talmud, Dios abrió tres llibros el primer día del añu; un pa los malos absolutos, un pa los bonos absolutos y un terceru pa los de clase intermedia, pa la mayoría. Nesi intre quedan fixaos quien son bonos y malos absolutos, el restu pue salvase per aciu del Yom Kippur, espiando les sos ánimes.
Significáu
[editar | editar la fonte]Esti día ta consideráu ente los hebreos como'l más santu de tol añu, aníciase col rezu de Kol Nidre (del araméu, Toes les promeses), el cual frañe tolos votos y xuramentos que fixéramos na añada, a esta oración precédela dalgunes letaníes y peticiones llamaes selihot.
Contrariamente a la creyencia popular, Yom Kippur, nun ye un día de tristura. Ente los sefardinos esti día ye conocíu como'l del ayunu blancu, poro que munchos hebreos avezaben a emplegar namás vistimentes blanques pa simbolizar el candor de les sos ánimes.