Wingdings
Wingdings ye un tipu de letra miembro de la familia tipográfica dingbat los cualos renderizan una variedá de símbolos. Fueron desenvueltos orixinalmente en 1990 por Microsoft combinando calteres: iconos Llucida, fleches, y estrelles llicenciaos de Charles Bigelow y Kris Holmes.[1] Ciertes versiones inclúin nel so copyright una atribución a Type Solutions, Inc., que desenvuelvo una ferramienta p'anidiar les tipografíes (antialiasing).
Wingdings 2
[editar | editar la fonte]Wingdings 2 ye una tipografía TrueType dingbat incluyida en Microsoft Office.
Esti tipu desenvolvióse primeramente en 1990 por Type Solutions, pero anguaño'l copyright pertenez a Microsoft.
Wingdings 3
[editar | editar la fonte]Wingdings 3 ye una tipografía TrueType dingbat incluyida nel Microsoft Office
Esta tipografía desenvolvióse primeramente en 1990 por Type Solutions, pero anguaño'l copyright pertenez a Microsoft.
Discutiniu
[editar | editar la fonte]
En 1992, unos díes dempués del llanzamientu de Windows 3.1, afayóse que la secuencia de calteres «NYC» en Wingdings yera amosada colos símbolos de toxicidá, la Estrella de David y el xestu d'aprobación. Esto foi interpretáu comúnmente como un mensaxe antisemita.[2] Microsoft negó qu'esto fuera intencional, y aportunó en que l'acomodu final de los calteres na tipografía foi aleatoriu. Darréu, na tipografía Webdings, la secuencia de calteres «NYC», sicasí, foi amosada intencionalmente colos símbolos d'un güeyu, un corazón y l'horizonte de la ciudá, faciendo referencia al logotipu d'I Love New York.[3]
Bulo
[editar | editar la fonte]Dempués de los atentaos del 11 de setiembre de 2001, espublizóse un corréu electrónicu qu'afirmaba que al escribir en Wingdings «Q33 NY», el supuestu númberu de vuelu del primer avión n'estrellase contra les Torres Ximielgues, amosaría una secuencia de calteres d'un avión volando escontra les torres, siguíu pol símbolu de toxicidá y la Estrella de David. Sicasí, esti corréu electrónicu yera un bulo, por cuenta de que nengún avión arreyáu nos ataques tenía'l númberu de vuelu «Q33 NY». Coles mesmes, otros rumores que «Q33 NY» yera'l númberu de rexistru d'unu de los aviones tamién se desmintieron. L'usu de la Estrella de David nesti engañu probablemente tea basáu nel discutiniu de 1992 mentada enantes.[4]
Intereses
[editar | editar la fonte]- Los númberos del 1 al 5 son artículos mayormente usaos d'oficina (el 3 nun ye una torre sinón un papel con un escritu)
- Nel videoxuegu pa PC "Undertale", creáu por Toby "Radiation" Fox, un personaxe llamáu W.D.Gaster (La W y la D signifiquen WingDing) fala de forma encriptada con Wingdings.
Ver tamién
[editar | editar la fonte]Referencies
[editar | editar la fonte]- ↑ Notes on Llucida designs (by Charles Bigelow, November 2005)
- ↑ Does Microsoft's Wingdings font includes hidden anti-Semitic and 9/11-referential messages?
- ↑ MS Denies Wingding Thing, Again, Wired
- ↑ «Q33 NY Wingdings Hoax - Elevens and the Wrath of the Eagle» (inglés). Consultáu'l 8 de mayu de 2011.
Enllaces esternos
[editar | editar la fonte]- Wingdings font information (Microsoft typography)
- Wingdings 2 font information (Microsoft typography)
- Wingdings 3 font information (Microsoft typography)
- Wingdings: Does the Wingdings font contain hidden anti-Semitic codes?
- Ann Arbor Wingdings Club
- Wingdings character set and equivalent Unicode characters (Alan Wood's Unicode Resources)