Upernavik
 Upernavik | |
|---|---|
 | |
| Alministración | |
| País |  Reinu de Dinamarca |
| País autónomu |  Groenlandia |
| Conceyu | Avannaata (es)  |
| Tipu d'entidá | ciudá |
| Códigu postal |
3962 |
| Xeografía | |
| Coordenaes | 72°47′02″N 56°09′02″W / 72.7839°N 56.1506°O |
  Upernavik Upernavik (Groenlandia) | |
| Superficie | 4.22 km² |
| Demografía | |
| Población | 1092 hab. (1r xineru 2020) |
| Porcentaxe |
100% de Avannaata (es) |
| Densidá | 258,77 hab/km² |
| Más información | |
| Fundación | 1772 |
| Llocalidaes hermaniaes | Odense |
 | |
Upernavik, (en groenlandés Llugar de la Primavera), ye un pequeñu pueblu na costa noroccidental de Groenlandia. Pertenez al condáu de Qaasuitsup y ye, colos sos 1.129 habitantes (2010), la 32ª población más grande de Groenlandia. Ta asitiada nuna pequeña isla, de nome homónimu, que pertenez al archipiélagu d'Upernavik.
En 1824 alcontróse ellí una piedra con escritura rúnica, conocida como Kingittorsuaq Runestone. Datose nel sieglu XIII, y nella, amás d'aparecer los nomes de trés viquingos, fálase de la construcción d'un cairn cerca d'ellí. Aparte d'eso, Upernavik ye'l llugar más septentrional nel que s'alcontraron restos materiales de tamañu medianu o grande (háilos tamién pequeños, pero estos pudieron tener llevaolos los comerciantes inuit) de la época de los viquingos, y marca la llende septentrional del territoriu esploráu por ellos. Nel pueblu atopamos, como principal llugar d'interés, el muséu d'Upernavik. Ye'l más antiguu del país, y acueye una amplia coleición d'obres d'artistes del país.
La forma más afayaíza d'averase al pueblu ye per avión. Air Greenland vuela dende'l so aeropuertu a los de Qaanaaq, Qaarsut y Ilulissat, y hai vuelos n'helicópteru que comuniquen el pueblu colos otros asentamientos del archipiélagu. Nel branu hai tamién un ferry que permite viaxar ente les distintes islles del archipiélagu.
La municipalidá d'Upernavik abarca, amás del pueblu homónimu, nueve asentamientos espardíos pel archipiélagu: Upernavik Kujalleq, Kangersuatsiaq Upernavik, Aappilattoq, Tussaaq, Naajaat, Innaarsuit, Tasiusaq, Nutaarmiut, Nuussuaq y Kullorsuaq, que, colos sos casi 400 habitantes, ye'l mayor d'ellos.
Referencies
[editar | editar la fonte]Enllaces esternos
[editar | editar la fonte](n'inglés) Muséu d'Upernavik Archiváu 2010-11-28 en Wayback Machine
