Sam Snead
Sam Snead | |
|---|---|
 | |
| Vida | |
| Nacimientu |
Hot Springs (es)  [1], 27 de mayu de 1912[2] |
| Nacionalidá |
 Estaos Xuníos |
| Muerte |
Hot Springs (es) [1], 23 de mayu de 2002[2] (89 años) |
| Causa de la muerte | accidente vascular cerebral |
| Oficiu | |
| Oficiu | golfista |
|
| |
| Premios | |
| Serviciu militar | |
| Lluchó en | Segunda Guerra Mundial |
| IMDb | nm0810927 |
 | |
Samuel Jackson Snead (27 de mayu de 1912, Hot Springs (es) – 23 de mayu de 2002, Hot Springs (es) ), meyor conocíu como Sam Snead, foi un golfista d'Estaos Xuníos qu'ostenta'l récor de victories nel circuitu profesional d'Estaos Xuníos PGA Tour con 82. Ye moteyáu "Slammin' Sammy" pola potencia de los sos golpes y la so téunica perfecta. El so fíu J. C. Snead tamién ye golfista profesional.
A lo llargo de la so carrera, consiguió siete títulos en majors, que lo alluguen séptimu empatáu, según 30 top 5 y 48 top 10. Ganó'l Masters de Augusta de 1949, 1952 y 1954, el Abiertu Británicu de Golf Abiertu Británicu de 1946 y el Campeonatu de la PGA de 1942, 1949 y 1951. Nunca pudo ganar l'Abiertu de los Estaos Xuníos, onde resultó segundu en 1937, 1947, 1949 y 1953.
Snead lideró la llista de ganancies del PGA Tour en 1938, 1949 y 1950. Na temporada 1950 ganó 11 torneos, la tercera meyor temporada d'un golfista na hestoria del circuitu. Llogró ocho trunfos nel PGA Tour de 1939, seis en 1941, 1945, 1946 y 1949, y cinco en 1937 y 1952.
Ostenta'l récor de victories nun mesmu tornéu del PGA Tour, con ocho nel Abiertu de Greensboro ente 1938 y 1965, anque Tiger Woods algamó dicha marca en dos torneos.
Como miembru de la seleición d'Estaos Xuníos, apostó siete ediciones de la Copa Ryder, llogrando 10 victories en 13 enfrentamientos, y venció na Copa Canadá de 1956, 1960, 1961 y 1962.
Snead siguió xugando profesionalmente como veteranu, entá en torneos abiertos. La so victoria nel Abiertu de Greensboro de 1965 a la edá de 52 años y 10 meses foi la del golfista de mayor edá na hestoria del PGA Tour. Superó la corte nel Campeonatu de la PGA de 1979, a la edá de 67 años y dos meses, lo que tamién ye récor en majors. Ostenta'l récor de victories nel Campeonatu de la PGA de Veteranos con seis ente 1964 y 1973, y trunfó na Lleendes del Golf de 1978 y 1982.
En reconocencia a la so trayeutoria, foi unu de los golfistes que realizaba'l tiru de salida protocolar nel Masters de Augusta ente 1984 y 2001. Ingresó nel Salón de la Fama del Golf Mundial na xeneración inaugural en 1974, y foi la tercer persona en recibir el Premiu a la Trayeutoria del PGA Tour en 1998.
Robló cola marca de palos de golf Wilson en 1937 y collaboró col desenvolvimientu de los sos productos pa profesionales.
Referencies
[editar | editar la fonte]Enllaces esternos
[editar | editar la fonte]- Sam Snead nel PGA Tour
- Sam Snead en Salón de la Fama del Golf Mundial
- Sam Snead en Golf Legends Archiváu 2006-05-16 en Wayback Machine
- 1912: A Year That Changed the Game - Sultans of swing Archiváu 2015-01-24 en Wayback Machine - Randall Mell, Golf Channel, 12 de marzu de 2012
- 1912: A Year That Changed The Game - Sam Snead Archiváu 2015-09-24 en Wayback Machine - Mercer Baggs, Golf Channel, 14 de marzu de 2012
- Snead's swing: The sweetest thing Archiváu 2014-11-07 en Wayback Machine - Mercer Baggs, Golf Channel, 14 de marzu de 2012
