Salvador Dalí

Salvador Dalí
Voz
Vida
Nacimientu	Figueres, 11 de mayu de 1904
Nacionalidá	España
Residencia	Figueres Nueva York
Llingua materna	catalán
Muerte	Figueres, 23 de xineru de 1989 (84 años)
Sepultura	Teatro-Museo Dalí (es)
Causa de la muerte	paru cardiorrespiratoriu
Familia
Padre	Salvador Dalí i Cusí
Madre	Felipa Domènech i Ferrés
Casáu con	Gala Éluard Dalí (es) (1958 – 1982)
Pareyes	Amanda Lear
Fíos/es	Jose Van Roy Dalí (en)
Hermanos/es	Anna Maria Dalí
Estudios
Estudios	Real Academia de Belles Artes de San Fernando (1922 - 1926)
Llingües falaes	inglés castellanu francés catalán
Profesor de	International Chrysis
Oficiu	pintor, escultor, escritor, actor, direutor de cine, guionista, fotógrafu, actor de cine, escenógrafu, ilustrador, diseñador de xoyes, artista gráficu, holographer (en)
Participante Documenta III (en) Jewelry by Contemporary Painters and Sculptors (en) Scultura Aurea (es) De Calder à Koons, Bijoux d'Artistes, La Collection Idéale de Diane Venet (es) dOCUMENTA (13) (en)
Llugares de trabayu	Madrid, París, Mauritshuis, Stedelijk Museum Het Prinsenhof (es) , Francia, Estaos Xuníos, España, Tel Aviv, Singapur, Manhattan, Delft y L'Haya
Trabayos destacaos	La persistencia de la memoria (es) Cristo de San Juan de la Cruz (es) La Última Cena (es) El gran masturbador (es) Construcción blanda con judías hervidas (es) The Face of War (en)
Premios	ver Medaya d'Oru de la Xeneralidá de Cataluña Gran Cruz de la Orde de Sabela la Católica  (1964) Medaya d'Oru al Méritu nes Belles Artes  (1971) Gran Cruz de la Orde de Carlos III  (1981) Medaya d'Oru al Méritu Turísticu  (1986)
Influyencies	Friedrich Nietzsche, Pablo Picasso y Hieronymus Bosch
Miembru de	Academia de Bellas Artes (es) Real Academia de Bélxica
Movimientu	surrealismu
Seudónimos	Dali, Salvador y Dalí Domènech, Salvador
Xéneru artísticu	bodegón (es) pintura de xéneru semeya pintura de paisaxe alegoría (es) arte sacro
IMDb	nm0198557
salvador-dali.org

Salvador Felip Jacint Dalí i Domènech, 1er marquès de Dalí de Púbol (11 de mayu de 1904, Figueres – 23 de xineru de 1989, Figueres) foi un célebre pintor, escultor y escritor catalán, unu de los principales representantes del surrealismu.

Biografía

So padre, Salvador Dalí i Cusí, yera un abogáu de clase media y notariu mui estrictu, pero so ma Felipa Domènech i Ferrés, afalaba los intereses artísticos del mozu Salvador quien sentía almiración pol arte renacentista.

Anque'l so principal mediu d'espresión foi la pintura, teniendo l'habilidá de forxar un estilu personal con obres tan conocíes como La persistencia de la memoria, tamién va facer incursiones nos campos del cine, la escultura, el diseñu, la moda, la xoyería y el teatru, disciplina na que va trabayar como diseñador de vestuariu y como escenógrafu. Tamién va escribir dellos llibros, ente los que destaca Diari d'un geni (1965).

Supo trabayar perbién la so faceta pública, siendo la so muyer y musa, Gala Dalí, unu de los personaxes capitales dientro de la so biografía, y xestora económica que-y valió l'apellativu d'"Avida Dollars" (anagrama de Salvador Dalí). Les sos apaiciones en público, n'entrevistes o "happenings", nun dexaben indiferentes; y la so rellación ambigua col franquismu fixeren d'esti personaxe un iconu polémicu del sieglu XX.

En 1982 Dalí foi nomáu 1er marqués de Dalí de Púbol pol Rei Xuan Carlos I, títulu que nun principiu yera hereditariu anque, a pidimientu del pintor, foi convertíu en vitaliciu, ye dicir que caducó cola so muerte. La denomación del títulu fai referencia al apellíu familiar y al Castiellu de Púbol, llugar de residencia de Dalí.

Ideoloxía y personalidá

Dalí siempre amosó un espíritu irónicu y una personalidá peculiar que foi un aspeutu incomprendíu de la so espresión artística. Como artista, manifestó un notable enclín al narcisismu y la megalomanía, col envís d'atrayer l'atención pública, anque ciertes declaraciones ambigües o estrañes ficieron que s'enfrentara con dellos sectores de la izquierda política.

Na so mocedá l'artista tuvo rellacionáu col anarquismu y el comunismu. Nos sos escritos suélense atopar afirmaciones polítiques que señalen cierta vinculación col activismu políticu del dadaísmu.

Col pasu de los años, les sos adhesiones polítiques camudaron, especialmente según el surrealismu identificóse col lideralgu d'André Bretón, d'orientación trotskista. Comoquier, yá en 1970, Dalí declaróse como un «anarco-monárquicu», dando pie a numberoses especulaciones sobre esta orientación política estrambótica y contradictoria en sí mesma.

Bibliografía

• ADES, Dawn (2004). Dalí. Madrid: La esfera de los libros. ISBN 978-84-9734-226-1.
• DALÍ, Salvador (xunetu de 1993). Vida secreta de Salvador Dalí. Barcelona: Editorial Antártida. ISBN 84-7596-414-1.
• DESCHARNES, Robert; Gilles Néret (2005). Dalí. La obra pictórica. Colonia: Taschen. ISBN 978-3-8228-1213-6.
• GENZMER, Herbert (1998). Dalí und Gala. Der Maler und die Muse. Reinbek: Rowohlt Verlag. ISBN 3-87134-338-2.
• GIBSON, Ian (2002). Salvador Dalí. ISBN 3-421-05133-X.
• LEAR, Amanda (1985). Dalí – 15 Jahre mit Salvador Dalí. München: Goldmann Verlag. ISBN 3-442-06805-3.
• LLONGUERAS, Luís (2004). Dalí. Barcelona: Ediciones B. ISBN 8466613439.
• SABLER, Linde. Dalí. Londres: Haus Publishing. ISBN 978-1-904341-75-8.
• SCHIEBLER, Ralf (2004). Dalí – Die Wirklichkeit der Träume. München: Prestel Verlag. ISBN 3-7913-2979-0.
• THIOLLET, Jean-Pierre (2008). Carré d'Art: Salvador Dalí. Paris: Anagramme Ed.. ISBN 2 35035 189 6.
• WEIDEMANN, Christiane (2007). Salvador Dalí, Reihe LIVING ART, München: Prestel Verlag. ISBN 978-3-7913-3815-6.

Enllaces esternos

• Catálogu de pintures (castellán)

• Wikimedia Commons acueye conteníu multimedia sobre Salvador Dalí.

• Datos: Q5577
• Multimedia: Salvador Dalí
• Cites famoses: Salvador Dalí